Ինչպես ավելացնել գտնվելու վայրը

Ամրագրելուց առաջ հյուրերը կարող են ստուգել, թե ձեր տունը որքանով է մոտ այն վայրերին, ուր մտադիր են այցելել։

Դուք եք որոշում՝ որոնման արդյունքներում քարտեզի վրա ցուցադրվի գտնվելու մոտավո՞ր վայրը, թե՞ ստույգ տեղը։ Երկու դեպքում էլ հյուրերը չեն իմանա ձեր փողոցը և տան համարը, քանի դեռ ամրագրումը հաստատված չէ։

1. Մուտքագրեք ձեր փողոցը և տան համարը։ Սկսեք մուտքագրել, և երբ հայտնվի ճիշտ հասցեն, ընտրեք այն։

2. Հաստատեք ձեր հասցեն։ Կատարեք ուղղումներ, որոնք անհրաժեշտ են ճշգրտության համար, օրինակ՝ ավելացրեք բնակարանի կամ առանձնաբաժնի համարը։

3. Համոզվեք, որ նշիչը ճիշտ տեղում է։ Եթե նշիչը ճիշտ տեղում չէ, տեղաշարժեք քարտեզն այնքան, մինչև նշիչը ցույց տա ճիշտ տեղադրությունը։

4. Ընտրեք քարտեզ։ Ձեր հայտարարությունը ներառելու է տարածքի գտնվելու մոտավոր վայրի քարտեզ, եթե ստույգ տեղը ցույց տալու համար չօգտագործեք քարտեզի այլ տեսակ։

• Գտնվելու մոտավոր վայրի քարտեզը ցույց է տալիս ձեր տարածքի շառավիղը՝ հասցեից մոտավորապես կես մղոն (1 կմ-ից պակաս) հեռավորության վրա։
• Ստույգ տեղը ցույց տվող քարտեզի վրա նշիչը ցույց է տալիս մոտակա խաչմերուկը՝ առանց ճշգրիտ տեղը նշելու։

Եվս մեկ անգամ ստուգեք ձեր տվյալները և ուղղեք բոլոր սխալները, հետո անցեք հաջորդ քայլին։ Ձեր առաջին ամրագրման հաստատումից հետո դուք չեք կարողանա փոփոխություններ կատարել առանց Airbnb-ի աջակցման թիմին դիմելու։