Ինչպես ավելացնել գտնվելու վայրը
Տարածքի տեղադրությունը կարող է մեծ դեր խաղալ հյուրերի՝ այնտեղ մնալու վերաբերյալ որոշման հարցում։ Նախքան ամրագրում կատարելը նրանք կարող են ստուգել, թե տարածքը որքան մոտ է այն վայրերին, ուր մտադիր են այցելել ուղևորության ընթացքում։
Որպես հյուրընկալող՝ դուք եք որոշում՝ որոնման արդյունքներում քարտեզի վրա ցուցադրվի գտնվելու մոտավո՞ր վայրը, թե՞ ստույգ տեղը։ Երկու դեպքում էլ հյուրերը չեն իմանա ձեր փողոցը և տան համարը, քանի դեռ ամրագրումը հաստատված չէ։
Ինչպես ավելացնել գտնվելու վայրը
1. Մուտքագրեք ձեր փողոցը և տան համարը։ Սկսեք մուտքագրել, և երբ հայտնվի ճիշտ հասցեն, ընտրեք այն։
2. Հաստատեք ձեր հասցեն։ Կատարեք ուղղումներ, որոնք անհրաժեշտ են ճշգրտության համար, օրինակ՝ ավելացրեք բնակարանի կամ առանձնաբաժնի համարը։
3. Համոզվեք, որ նշիչը ճիշտ տեղում է։ Եթե նշիչը ճիշտ տեղում չէ, տեղաշարժեք քարտեզն այնքան, մինչև նշիչը ցույց տա ստույգ վայրը։
4. Ընտրեք քարտեզ։ Ձեր հայտարարությունը ներառելու է տարածքի գտնվելու մոտավոր վայրի քարտեզ, եթե ստույգ տեղը ցույց տալու համար չեք օգտագործում երկդիրք փոխարկիչ։
- Գտնվելու մոտավոր վայրը։ Ձեր տարածքի քարտեզը ցույց է տալիս շրջակա տեղանքը՝ հասցեից մոտավորապես կես մղոն (1 կմ-ից պակաս) շառավղով։
- Ստույգ տեղը։ Ձեր տարածքի քարտեզը ցույց է տալիս նշիչ մոտակա խաչմերուկի վրա, բայց այն չի նշում ճշգրիտ տեղը։