Ինչպես երկարատև այցերը կարող են շահավետ լինել հյուրընկալման բիզնեսի համար

Երկարաժամկետ այցեր ընդունելը կարող է հյուրընկալման հիմնավոր ռազմավարություն լինել։ Կարող եք ստեղծել եկամուտների ավելի կանխատեսելի հոսք, կրճատել հերթափոխումներով պայմանավորված ձեր ծանրաբեռնվածությունը և հյուրընկալել ավելի ճկուն պայմաններով։

Երկարաժամկետ այցեր հյուրընկալելու դեպքում կկարողանաք արագ լրացնել ձեր օրացույցը։ Շաբաթական (առնվազն յոթ գիշեր) կամ ամսական (առնվազն 28 գիշեր) տևողությամբ այցերը նվազեցնում են ամրագրումների միջև ընդմիջումների քանակը։

Երկարաժամկետ այցերը կարող են նաև ապահովել եկամուտների ավելի կանխատեսելի և կայուն հոսք։ Մեկ ամսից ավելի ժամկետով հյուրընկալելու դեպքում վճարումները կատարվում են կանոնավոր մասնավճարներով։

Շաբաթական և ամսական զեղչեր ավելացնելով՝ կարող եք խրախուսել երկարաժամկետ այցերի ամրագրում.

1. Օրացույցում հպեք կամ սեղմեք կարգավորումների պատկերակը։

2. «Գնանշում» ներդիրում անցեք դեպի «Զեղչեր»։

3. Ընտրեք «Շաբաթական» կամ «Ամսական»։ Կտեսնեք առաջարկվող զեղչ, որը հաշվարկվում է ձեր տարածքի, ինչպես նաև տարածաշրջանում նմանատիպ տարածքների պահանջարկի հիման վրա։

4. Սահիչը շարժեք 0-ից մինչև 99%, որպեսզի ճշգրտեք զեղչը և հետևեք, թե ինչպես է այն փոխում ձեր շաբաթական կամ ամսական միջին գինը։

5. Ստորև ընտրեք հյուրի վճարելիք գինը, որպեսզի տեսնեք գնի մանրամասները՝ ներառյալ բոլոր վճարները և ձեր եկամուտները։

6. Ցանկալի զեղչը սահմանելու համար հպեք կամ սեղմեք «Պահել»։

Որոշ հյուրընկալողներ փնտրում են երկարաժամկետ այցերով հետաքրքրված հյուրերի։ Նրանք իրենց հայտարարությունների հղումները տրամադրում են տեղական ընկերությունների կամ համալսարանների, որոնց աշխատակիցները կամ ուսանողները հավանաբար փնտրում են ժամանակավոր մնալու տեղեր։

«Ես ուզում եմ [հյուրընկալել] միայն երկարաժամկետ այցեր»,- ասում է Պատրիսիան, որը սուպերտանտեր է Տեխաս նահանգի Օսթին քաղաքում։ «Հուսով եմ՝ իմ տունը հարմար կլինի ճանապարհորդող մասնագետներին, որոնք աշխատելու են մեկից երեք ամիս»։

Ընդհանրապես, երկարաժամկետ ամրագրումները նշանակում են ավելի քիչ հերթափոխումներ և ձեզ համար ավելի քիչ աշխատանք՝ մասնավորապես, երբ խոսքը վերաբերում է հյուրերի հետ հաղորդագրություններ փոխանակելուն և տարածքը մաքրելուն։

Օրինակ՝ հյուրընկալողները սովորաբար ավելի քիչ ժամանակ են ծախսում մեկ ամիս մնացող հյուրերի մեկ խմբի հետ հաղորդակցվելիս, քան՝ ընդամենը մի քանի գիշեր մնացող մի քանի հյուրերի։

Որոշ հյուրընկալողներ մաքրություն պահպանելու նպատակով տրամադրում են մաքրման ծառայություններ և պարագաներ։ «Ես առաջարկում եմ շաբաթական անվճար մաքրում՝ տրամադրելով մաքուր սպիտակեղեն և համալրելով հիմնական պարագաների պաշարները, որպեսզի համոզված լինեմ, որ ամեն ինչ կարգին է»,- ասում է Օմարը՝ սուպերտանտեր Մեխիկոյում, որն ընտանիքների և հեռավար աշխատողների է հյուրընկալում մինչև վեց շաբաթ ժամկետով։

Երկարաժամկետ այցեր ընդունելը կարող է կատարյալ տարբերակ դառնալ, եթե բացակայում եք երկար ժամանակով։ Մեգին, որը համահյուրընկալում է Մասաչուսեթս նահանգի Նորթհեմպտոն քաղաքում, ասում է, որ իր ծնողների տունը սովորաբար դատարկ է մնում, երբ նրանք ձմեռն անցկացնում են Պուերտո Ռիկոյում։ «Մենք անցանք ոչինչ չանելուց մինչև Airbnb-ից օգտվելու և ամսական 3 500 ԱՄՆ դոլար վաստակելու ճանապարհ»,- ասում է նա։

Այն համայնքներում, որտեղ կարճաժամկետ վարձակալությունը սահմանափակված է, կարող են շահավետ լինել նաև երկարաժամկետ այցերը։ Այցերի նվազագույն և առավելագույն տևողությունները սահմանեք ըստ տեղական կանոնների և կանոնակարգերի։

Եթե գտնվում եք այնպիսի տարածաշրջանում, որտեղ թույլատրվում է կատարել և՛ կարճաժամկետ, և՛ երկարաժամկետ ամրագրումներ, խորհուրդ ենք տալիս պարբերաբար ճշգրտել կարգավորումները։ Դա ձեզ կօգնի առավելագույնս օգտվել ձեր տարածաշրջանում առկա սեզոնային պահանջարկից և հյուրերի համար գրավիչ դարձնել երկարաժամկետ այցերի արանքում հասանելի գիշերներ կամ շաբաթներ ամրագրելը։

Այս հոդվածում պարունակվող տեղեկությունները կարող են փոխված լինել հրապարակումից հետո։