Անցեք առաջ՝ առաջարկվող արդյունքներին ծանոթանալու համար

    Հյուրընկալողների հարցերի պատասխաններ․ Airbnb-ի ամառային թողարկում

    Կրկին ավելացվում են հայտարարությունների վերնագրերը, ինչպես նաև այլ օգտակար թարմացումներ։
    Հեղինակ՝ Airbnb, ամսաթիվ՝ 10 հնս, 2022 թ.
    3 րոպե ընթերցում
    Թարմացվել է՝ 18 հնս, 2022 թ.

    Առանձնահատկություններ

    • Մենք տրամադրում ենք հայտարարությունների վերնագրեր գրելու նոր ցուցումներ

    • Ձեր հայտարարությունների վերնագրերը կցուցադրվեն մինչև հունիսի 30-ը

    Մայիսի 11-ին մենք ներկայացրինք Airbnb 2022 – Ամառային թողարկումը որոնման նոր եղանակով, որը կառուցված է Airbnb կատեգորիաների շուրջ։ Այդ ժամանակից ի վեր՝ մենք հազարավոր հյուրընկալողներից արձագանքներ ենք հավաքել մեր Airbnb համայնքի կենտրոնի, Հյուրընկալողների ակումբների, էլեկտրոնային նամակների և սեմինարների միջոցով, որոնք կազմակերպվել են Հյուրընկալողների խորհրդի և առաջատար հյուրընկալողների հետ։ Շնորհակալություն արժեքավոր մեկնաբանությունների և առաջարկությունների համար։ Այսօր ուզում ենք հայտնել, թե ինչ գործողություններ ենք ձեռնարկում՝ ի պատասխան ամենից հաճախ կատարվող երեք հարցումների։

    Իմ հայտարարության վերնագիր գրելը մեկն էր այն միջոցներից, որոնցով կարող էի առանձնացնել իմ տունը․ վերնագրերը նորից կցուցադրվե՞ն որոնման արդյունքներում

    Այո, մենք կրկին կավելացնենք հայտարարությունների վերնագրեր, որոնք գրել են հյուրընկալողները։ Ուզում ենք պարզաբանել, թե ինչու ենք հեռացրել դրանք, և պատմել՝ ինչպես և երբ ենք նորից ավելացնելու։

    Մենք հեռացրել ենք անհատական վերնագրերը, որպեսզի ստեղծենք ամբողջ Airbnb-ում միատեսակ նկարագրություններ, որոնք հյուրերի համար կհեշտացնեն տների դիտումը և համեմատումը։ Որոշ դեպքերում վերնագրերն այնքան երկար են լինում, որ տեղավորվում են մի քանի տողում, կամ ներառում են հայտարարության հետ որևէ առնչություն չունեցող էմոջիներ։ Այս անհամապատասխանությունները բարդացրել են որոնումները և երբեմն անհարմարություններ են ստեղծել հյուրերի համար։

    Մենք նաև խոշորացրել ենք տարածքների լուսանկարները, քանի որ դրանք հաճախ առաջին բանն են, որոնց միջոցով հյուրն իմանում է, թե ինչպիսին է ձեր տունը։ Այդ պատճառով ստիպված եղանք նվազեցնել որոնման արդյունքներում լուսանկարների տակ ներկայացված տեղեկությունների քանակը։

    Թարմացում. դուք շատ կարծիքներ և դիտողություններ եք հայտնել փոփոխությունների մասին, այդ թվում՝ խնդրել եք վերականգնել սեփական հայտարարության վերնագիրը ստեղծելու ձեր հնարավորությունը։ Մենք հասկանում ենք՝ ինչու եք այդքան շահագրգռված այս խնդրով. ձեր հայտարարության վերնագիրն առաջիններից է, որ հյուրերը կարդում են որոնման արդյունքներում, և դա հնարավորություն է տալիս ընդգծելու, թե ինչն է յուրահատուկ դարձնում ձեր տարածքը։

    Այսօր՝ հունիսի 17-ին, մենք հրապարակեցինք հայտարարության վերնագրեր ստեղծելու նոր ցուցումներ։ Առաջարկում ենք վերնագիրը սահմանափակել 32 նիշով, նախադասության մեջ մեծատառով գրել վերնագրի միայն առաջին բառի սկզբնատառը և խուսափել էմոջիներից ու սիմվոլներից։ Ամենակարևորը՝ նկարագրեք, թե ինչն է ինքնատիպ դարձնում ձեր տարածքը։

    Կարդալ նոր ցուցումները

    Ձեր հայտարարությունների վերնագրերն Airbnb-ի որոնման արդյունքներում կհայտնվեն հունիսի 30-ից սկսած։

    Ես մտավախություն ունեմ, որ դժվար կլինի գտնել իմ հայտարարությունը․ ուրիշներն է՞լ ունեն այդպիսի խնդիր

    Մի շարք գործոններ կարող են ազդել հայտարարության վիճակագրության վրա, այդ թվում՝ սեզոնայնությունը և տնտեսական պայմանները։ Ուզում ենք ընդհանուր գծերով ներկայացնել, թե հյուրերն ինչպես կարող են գտնել ձեր հայտարարությունը, և ինչ ենք անում, որպեսզի առավել օպտիմալացնենք ամրագրման հնարավորությունները։

    Թեև շատ հյուրեր ոգեշնչման և ամրագրման նպատակով օգտվում են Airbnb կատեգորիաներից, մեծամասնությունը շարունակում է այցեր ամրագրել՝ որոնման մեջ նշելով կոնկրետ ուղղություն և ամսաթվեր։ Երբ հյուրերը վայր են մուտքագրում, օգտագործում են «Բոլոր տները» ներդիրը, ինչպես անում էին նախկինում, որպեսզի դիտեն որոշակի վայրում ազատ բոլոր տները և ամրագրեն իրենց հարմար տարածք։ Այժմ մենք փնտրում ենք «Բոլոր տները» ներդիրը որոնման ժամանակ ավելի աչքի ընկնող դարձնելու եղանակներ։

    Նաև ուսումնասիրում ենք ամրագրման գործընթացի որոշ փոփոխություններ, այդ թվում՝ կատեգորիաների ցուցադրումը, քարտեզով որոնման հետագա բարելավումները և թե ինչպես լավագույնս ցույց տալ ձեր կարծիքների քանակը։ Մենք կշարունակենք աշխատել հյուրընկալման հարցերով խորհրդատուների հետ և հուլիսին կներկայացնենք լրացուցիչ մանրամասներ։

    Ինձ դուր են գալիս Airbnb կատեգորիաները, բայց ինչպե՞ս իմանալ, թե որ կատեգորիային է պատկանում իմ տարածքը, և ի՞նչ անել, եթե ուզում եմ այն ներառել որևէ լրացուցիչ կատեգորիայում

    Airbnb կատեգորիաները տների հավաքածուներ են՝ ըստ սեփականության յուրահատուկ ոճի, տեղադրության կամ մոտակայքում հասանելի զբոսաշրջային միջոցառումների։ Կատեգորիաներն Airbnb-ում հայտարարությունների բազմազանությունը ցուցադրելու նոր միջոց են։ Դրանց շնորհիվ հյուրերը կարող են գտնել այնպիսի վայրեր, որոնց գոյության մասին երբեք չեն իմացել։

    Մենք կատեգորիաներ ենք ներմուծել այն համոզմամբ, որ, ի վերջո, յուրաքանչյուր տարածք համապատասխանելու է ինչ-որ կատեգորիայի։ Ուրախ ենք տեսնել, որ նոր կատեգորիաները մեծ ոգևորություն են առաջացրել, ինչպես ցույց են տվել լրացուցիչ կատեգորիաների վերաբերյալ ձեր ներկայացրած բազմաթիվ գաղափարները՝ էկոլոգիապես անվտանգ տներից և ընտանիքների համար հարմար տարածքներից մինչև քաղաքի կենտրոնում գտնվող սեփականություններ և հեռավար աշխատանքի հարմարություններով տներ։

    Մենք ոչ միայն նոր կատեգորիաների ստեղծման գործընթաց ենք մշակում հյուրընկալողների համայնքի հետ համատեղ, այլև ձեզ համար միջոցներ ենք ուսումնասիրում՝ ստուգելու, թե ինչ կատեգորիայում կարելի է ընդգրկել ձեր տարածքը։ Առաջիկա ամիսներին կտրամադրենք մանրամասներ։

    Մինչ այդ, կարող եք մի քանի բան անել, որպեսզի ձեր հայտարարությունը դիտարկվի կատեգորիաներում ընդգրկելու համար։ Համոզվեք, որ ձեր հայտարարության մանրամասներն արդիական են, ամբողջական և ճշգրիտ։ Բացի այդ, ձեր հայտարարության մեջ անպայման ավելացրեք որակյալ լուսանկարներ, քանի որ լուսանկարների որակը կատեգորիաների մեջ ներառման հիմնական չափանիշներից է։

    Ինչպես միշտ, առաջարկում ենք կիսվել ձեր կարծիքներով կամ հյուրընկալողների տեղական ակումբի միջոցով մասնակցել հյուրընկալողների սեմինարի։

    Այս հոդվածում պարունակվող տեղեկությունները կարող են փոխված լինել հրապարակումից հետո։

    Առանձնահատկություններ

    • Մենք տրամադրում ենք հայտարարությունների վերնագրեր գրելու նոր ցուցումներ

    • Ձեր հայտարարությունների վերնագրերը կցուցադրվեն մինչև հունիսի 30-ը

    Airbnb
    10 հնս, 2022 թ.
    Հոդվածն օգտակա՞ր էր։

    Միգուցե հավանեք նաև

    Միգուցե հավանեք նաև

    Ուսումնասիրեք ավելի շատ թեմաներ