Հյուրերին օգնեք ճանապարհորդելիս իրենց զգալ տեղացիների պես

Airbnb-ն ստեղծվեց՝ որպես ճանապարհորդների համար մեկ ուրիշի տանը մնալու մատչելի միջոց։ Այդ գաղափարը տարածվեց, երբ ամբողջ աշխարհում ավելի ու ավելի շատ հյուրընկալողներ առաջարկեցին տներ և հաղորդակցվեցին հյուրերի հետ։

Սենյակներում պահպանվում է այս ավանդույթը․ դրանք հարմար են այն հյուրերին, որոնք նախընտրում են մի փոքր առանձնանալ, բայց, այնուամենայնիվ, ցանկանում են հանդիպել նոր մարդկանց և տարածքը վայելել տեղացու պես։ Սենյակի դեպքում հյուրերը տանն ունեն իրենց առանձին ննջասենյակը, ինչպես նաև կարող են օգտվել այլոց հետ համօգտագործվող տարածքներից։ 

Ահա որոշ խորհուրդներ, որոնք կօգնեն հյուրերին հարմարավետ զգալ ամրագրելիս և ձեր տարածքում մնալիս։

Կարող եք օգնել հյուրերին ծանոթանալ ձեր տարածաշրջանին՝ ստեղծելով ուղեցույց ձեր հայտարարության համար։ Սա հյուրերին խորհուրդներ տալու հեշտ միջոց է։

Շատ հյուրընկալողներ նաև անձամբ են խորհուրդներ տալիս։ Ռիդը, որը կնոջ հետ հյուրընկալում է Ֆիլադելֆիայում գտնվող սենյակում, հյուրերին հաճախ հրավիրում է միանալ իրենց կիրակնօրյա ընթրիքին։ Նա պատմում է «արտակարգ, ոչ ավանդական վայրերի մասին», օրինակ՝ հարևանությամբ գտնվող սրճարանի, որի պատերը շարված են գրքերով։

Երբեմն Ռիդը հյուրերին հրավիրում է սալսա պարելու․ դա իր ամենասիրելի ժամանցներից է։ «Մենք մի քանի հյուրերի հետ գնացել ենք լատինական տարածք՝ այն փոքր-ինչ բացահայտելու համար»,- ասում է նա։ «Որոշ հյուրեր,- ավելացնում է նա,- այժմ կարծես մեր երեխաները լինեն»։

Հյուրերը կարող են ամրագրել ձեր սենյակը, քանի որ հյուրընկալողի պրոֆիլը ստեղծում է մտերմության զգացողություն, ինչը հյուրերին օգնում է հարմարավետ զգալ ձեր տարածքում։

Նիկոլան, որը հյուրընկալում է Ավստրալիայի Ֆիցռոյ քաղաքում գտնվող սենյակում, պատմում է, որ սիրում է ուսումնասիրել նոր մշակույթներ ու խոհանոցներ։ Նա պարզել է, որ որոշ հյուրեր սիրում են «հանգստանալ և իրենց զգալ ինչպես տանը»։

Նա և Մելբուռնում հայտնի խոհարար իր եղբայրը երբեմն առաջարկում են հյուրերին միասին ճաշեր պատրաստել։ «Մենք ունենք կոմերցիոն խոհանոց, որտեղ նրանք կարող են պատրաստել մակարոնեղեն կամ պանինի հացեր»,- ասում է նա։

Հյուրերի մի խումբ այնքան ազատ էր զգում, որ Նիկոլայի հյուրասենյակում յոգա էր անում։ «Ուրախ էի, որ նրանք հավանեցին տարածքը»,- ասում է նա։ Նկատելով ֆիզիկական վարժությունների հանդեպ նրանց հետաքրքրությունը՝ Նիկոլան հյուրերին տարավ մոտակայքում գտնվող զբոսայգի, որտեղ նրանք կեսօրին ծառեր էին մագլցում և զրուցում այլ վայրեր ուսումնասիրելու մասին։

Մտածեք՝ ինչպես եք ցանկանում շփվել հյուրերի հետ, և հայտնեք նրանց, թե ինչ եք նախընտրում։ Եթե պատրաստ եք շփվելու, ձեր անմիջականությամբ կարող եք բովանդակալից կապեր ստեղծել։

Նոր Զելանդիայի Օքլենդ քաղաքում հյուրընկալող Գարթն ասում է, որ հյուրեր ընդունելը թույլ է տալիս ավելի շատ ժամանակ անցկացնել այլ մշակույթների մարդկանց հետ՝ առանց ճանապարհորդելու։ Նա մտածել է, որ կարելի է մարդկանց բերել իր մոտ։

Գարթի համար ամենահիշարժան պահերից մեկը տեղի է ունեցել Ֆրանսիայից այցելած հյուրերի հետ։ Մայրը հարցրել էր՝ արդյոք որդին կարող է հետևել ավտոտնակի արհեստանոցում իր աշխատանքներին։ «Նա կարծում էր, որ այն ամենը, ինչ ես անում եմ, հիանալի է»,- ասում է Գարթը։

Այսպիսով՝ Գարթը մի նախագիծ մտածեց, որը կարող էին միասին իրականացնել։ «Մենք պատրաստեցինք մի փոքր նավակ և ներկեցինք այն։ Դա իսկապես հիասքանչ էր, քանի որ նա անգլերեն չգիտեր, բայց մենք տիրապետում էինք մի ընդհանուր լեզվի»։

Հյուրընկալման վերաբերյալ ավելի շատ պատմություններ և խորհուրդներ ստացեք՝ միանալով հյուրընկալողների տեղական ակումբին։ Այս ակումբները գործում են հյուրընկալողների համար և առաջարկում են ֆիզիկական մասնակցությամբ և վիրտուալ հանդիպումներ, շարունակական աջակցություն և Airbnb-ի նորությունների և պրոդուկտների թարմացումներ։

Հնարավոր է, որ այս հոդվածում պարունակվող տեղեկությունները հրապարակումից հետո փոխված լինեն։