Ինչպես հասնել հաջողության, երբ պահանջարկը ցածր է

Նույնիսկ ամենասիրված տարածքները հանգիստ ժամանակահատվածներ ունեն՝ ավելի քիչ ամրագրումներով։ Ահա Airbnb-ի հյուրընկալման գործիքներից օգտվելու մի քանի եղանակ, որոնք կօգնեն գրավել հյուրերին նման ժամանակահատվածներում։

Ձեր գինը պարբերաբար ճշգրտելը կօգնի ձեզ մրցունակ մնալ։ Հետևեք ձեզ հարմար ժամանակացույցին.

• Ավելացրեք հանգստյան օրերի հատուկ գին։ Եթե բոլոր գիշերների համար նույն գինն եք առաջարկում, կարող եք աշխատանքային օրերի համար այլ գին սահմանել, քան ուրբաթ և շաբաթ գիշերների համար։ Գների փոփոխումը կօգնի առավելագույնի հասցնել ամրագրումները։
• Համեմատեք նմանատիպ տարածքները։ Այն տարածքները, որոնց գներն ավելի ցածր են, քան մոտակայքի՝ նմանատիպ հարմարություններով տարածքների գները, որպես կանոն ավելի բարձր դիրք են զբաղեցնում որոնման արդյունքներում։ Մտածեք մեկ գիշերվա գինը ճշգրտելու մասին՝ համեմատվելով ձեր տարածաշրջանում ամրագրված և չամրագրված տարածքների հետ։

Բացեք ձեր հայտարարության օրացույցը և ընտրեք մինչև 31 օր պարունակող ժամանակահատված՝ ձեր տարածաշրջանի քարտեզի վրա նմանատիպ տարածքների միջին գները տեսնելու համար։ Գործոնները, որոնք որոշում են, թե որ տարածքներն են նման, ներառում են տեղադրությունը, չափերը, առանձնահատկությունները, հարմարությունները, գնահատականները, կարծիքները և այն հայտարարությունները, որոնք հյուրերը հաճախ աչքի են անցկացնում ձեր հայտարարությանը զուգահեռ։

«Ես հետևում եմ նմանատիպ հայտարարություններին՝ իմ գինը մրցունակ պահելու համար»,- ասում է Քեթին, որը Հյուրընկալողների խորհրդի անդամ և սուպերտանտեր է Կալիֆոռնիայի Փալմ Սփրինգս քաղաքում։ «Եթե ցանկանում եք հյուրեր ունենալ ոչ պիկ սեզոնին, ճկուն եղեք»։

Յոթ կամ ավելի գիշեր տևողությամբ այցերի համար նախատեսված զեղչերը կարող են օգնել բարելավել ձեր դիրքը որոնման արդյունքներում և կրճատել հերթափոխումները, իսկ ավելի կարճ այցերը կարող են օգնել լրացնել օրացույցի բացերը։

• Ավելացրեք շաբաթական զեղչ։ 10% կամ ավելի մեծ զեղչերի դեպքում հյուրերը որոնման արդյունքներում և ձեր հայտարարության էջում տեսնում են հատուկ նշան։ Զեղչված գինը հայտնվում է սկզբնականի կողքին, որը վրագծված է։
• Պակասեցրեք ուղևորության նվազագույն տևողությունը։ Կարող եք ուղևորության նվազագույն տևողությունը կարգավորել ըստ շաբաթվա օրերի։ Եթե պահանջարկն ավելի բարձր է հանգստյան օրերին, կարող եք մեկ գիշեր տևողությամբ այցեր թույլատրել շաբաթվա մեջտեղում, բայց ոչ՝ ուրբաթ կամ շաբաթ օրերին։

«Ավելի ցածր պահանջարկով ժամանակահատվածներում ես անպայման պակասեցնում եմ այցի նվազագույն տևողությունը, և դա օգնում է գրավել այն մարդկանց, որոնք ընդամենը մի քանի գիշերով են գալիս»,- ասում է Ավստրալիայի Սիդնեյ քաղաքում գործող սուպերտանտեր Ֆելիսիթին։

Հայտարարության մանրամասների թարմացումն օգնում է հստակեցնել ակնկալիքները և հյուրերին տալիս է ավելի մեծ վստահություն՝ ամրագրելու ձեր տունը, հատկապես ավելի ցածր պահանջարկ ունեցող ժամանակահատվածներում։

• Ստեղծեք ֆոտոշրջայց։ Airbnb-ի գործիքն ավտոմատ տեսակավորում է ձեր վերբեռնած պատկերներն ըստ սենյակների, որպեսզի հյուրերը հասկանան ձեր տան դասավորությունը։ Կարող եք տեղափոխել, հեռացնել և ավելացնել լուսանկարներ, մանրամասներ ավելացնել յուրաքանչյուր սենյակի համար և մակագրեր գրել յուրաքանչյուր լուսանկարի համար։
• Ավելացրեք մեկնման հստակ ցուցումներ։ Բացատրեք՝ հյուրերն ինչ պետք է պարտադիր անեն մեկնելուց առաջ, օրինակ՝ կողպեն դուռը։ Ցանկացած մարդ կարող է դրանք կարդալ նախքան ամրագրելը, իսկ ավելի շատ հյուրեր ամրագրում են այնպիսի հայտարարություններ, որոնցում առկա են մեկնման վերաբերյալ ցուցումներ։ Հյուրերը նշել են, որ նախընտրում են մեկնման առաջ անելիքների կարճ ցանկ, այնպես որ նվազագույնի հասցրեք առաջադրանքները։

Ամբողջ աշխարհում հյուրընկալողների հարյուրավոր ակումբներ օգնում են Airbnb հյուրընկալողներին կապ հաստատել միմյանց հետ և սովորել միմյանցից։ Մենք համոզվել ենք, որ տեղական ակումբների անդամները վաստակում են երկու անգամ ավելի շատ, քան այն հյուրընկալողները, որոնք ակումբի անդամ չեն,* և գրեթե երեք անգամ ավելի հավանական է, որ նրանք դառնան սուպերտանտերեր։**

Ակումբի անդամները հիմնականում՝

• փոխանակվում են հյուրընկալման վերաբերյալ խորհուրդներով, որոնք կարող են օգնել մեծացնել եկամուտը
• քննարկում են կարճաժամկետ վարձակալության վերաբերյալ կանոնակարգերը
• կիսվում են հուսալի տեղական ծառայությունների կոնտակտներով, օրինակ՝ հավաքարարների, ջրմուղագործների և այլն
• մասնակցում են ծանոթության և գործնական կապերի հաստատման բացառիկ միջոցառումների

*Համեմատելով ամբողջ աշխարհում գործող Airbnb հյուրընկալողների ակումբների անդամների և հյուրընկալողների համաշխարհային համայնքի միջին եկամուտներն ու միջին գնահատականները՝ ըստ 2022 թվականի սեպտեմբերից մինչև 2023 թվականի սեպտեմբերն ընկած ժամանակահատվածի համար Airbnb-ի ներքին տվյալների։ Եկամուտների տվյալները տարբեր են՝ կախված գտնվելու վայրից, սեզոնից և առաջարկի տեսակից։

**Ըստ Airbnb-ի տվյալների, որոնք վերաբերում են 2023 թվականի հուլիսից մինչև 2024 թվականի հուլիսը միացած հյուրընկալողների սուպերտանտիրոջ կարգավիճակին։

Դուք եք միշտ վերահսկում գնանշումը և մյուս կարգավորումները։ Դրանք կարող են տարբերվել մյուս հյուրընկալողներից։

Հյուրընկալողները վճարվել են հարցազրույցներին մասնակցելու համար։

Հյուրընկալման վերաբերյալ խորհուրդները պետք է համապատասխանեն տեղական օրենսդրության պահանջներին։

Այս հոդվածում պարունակվող տեղեկությունները կարող են փոխված լինել հրապարակումից հետո։