Ուսումնասիրեք հյուրընկալման գործիքները

Airbnb հավելվածը հեշտացնում է տան կառավարումը և նպաստում է բիզնեսի զարգացմանը։ Հյուրընկալման գործիքները կգտնեք այս 5 ներդիրում, երբ մուտք գործեք որպես հյուրընկալող։

Բացելով հավելվածը՝ կտեսնեք «Այսօր» ներդիրը։ Կարող եք մեկ հայացքով դիտել ամրագրման մանրամասները, որոնք կօգնեն պլանավորել ձեր օրը և ապահովել բացառիկ հյուրընկալություն։

• Անցում կատարեք ընթացիկ ամրագրումների դիտումից առաջիկային և հակառակը, որպեսզի իմանաք, թե ում և երբ եք հյուրընկալում։
• Ամրագրումների ժամանակ նշումներ ավելացրեք, օրինակ՝ հիշեցումներ հատուկ առիթների կամ խնդրանքների մասին։
• Խորհուրդներ ստացեք, թե ինչ անել յուրաքանչյուր ամրագրման համար, օրինակ՝ հարցնել հյուրերին, թե ինչպես են գործերը, կամ կարծիք կարդալ։

Օրացույցում կարող եք ստուգել և փոփոխել ձեր ազատ ամսաթվերն ու գները։

• Ճշգրտեք ազատ ամսաթվերի և գնանշման կարգավորումները, օրինակ՝ գիշերների նվազագույն քանակն ու զեղչերը։
• Հասանելի դարձրեք ամսաթվեր, որպեսզի հյուրերն ամրագրեն, և արգելափակեք այն գիշերները, երբ չեք կարող հյուրընկալել։
• Դիտեք մեկ գիշերվա գնանշման խորհուրդներ, որոնցում հաշվի են առնվում մի շարք գործոններ, օրինակ՝ տարածքի տեղադրությունը և հարմարությունները, նախկին ամրագրումները և վերջին գները ձեր տարածաշրջանում։

«Հայտարարություններ» ներդիրի միջոցով կարող եք կառավարել ձեր հայտարարության մանրամասները։ Օգտագործեք այս գործիքները, որպեսզի հյուրերն առավելագույնս ճշգրիտ և ամբողջական պատկերացում կազմեն ձեր տարածքի մասին։

• Թարմացրեք հայտարարությունը՝ ավելացնելով ժամանման մանրամասն ուղեցույց և բարձրորակ լուսանկարներ։
• Ավելացրեք ձեր առաջարկած բոլոր հարմարությունները, այդ թվում՝ հատուկ հարմարությունները։
• Դիտեք ձեր հայտարարությունը և տեսեք, թե ինչպես է այն երևում հյուրերին։

«Հաղորդագրություններ» ներդիրն օգնում է կապ հաստատել հյուրերի հետ նրանց այցից առաջ, այցի ընթացքում և այցից հետո։

• Հեշտությամբ պատասխանեք հյուրերին՝ օգտագործելով արագ պատասխաններ՝ անհատականացվող ձևանմուշներ, որոնք կարող եք անմիջապես ուղարկել կամ պլանավորել դրանց ուղարկումն առանցքային պահերին։
• Ներկայանալու և կարևոր մանրամասներն ընդգծելու համար լուսանկարներ ավելացրեք, իսկ տեսանյութերը կօգնեն հյուրերին պատկերացնել ձեր տարածքը։
• Ուսումնասիրեք ամրագրման հայտերը, այդ թվում՝ ուղևորության ամսաթվերը և հյուրերի թիվը։
• Խորհուրդներ տվեք, թե ինչ տեսնել, ինչով զբաղվել և ինչ ուտել ձեր մոտակայքում։

Ընտրացանկը հնարավորություն է տալիս մուտք գործելու դեպի եկամուտներ, գաղափարներ և այլ կարգավորումներ։ Դուք կստանաք անհատականացված խորհուրդներ և ռեսուրսներ, որոնք կօգնեն զարգացնել ձեր հյուրընկալման բիզնեսը։

• Դիտեք ձեր եկամուտները և ստեղծեք անհատականացված հաշվետվություններ եկամուտների վահանակում։
• Ուսումնասիրեք հյուրերի գնահատականներն ու կարծիքները «Վիճակագրություն» բաժնում։
• Կառավարեք ձեր հաշվի կարգավորումները և գտեք հյուրընկալման ռեսուրսներ։

Այս հոդվածում պարունակվող տեղեկությունները կարող են փոխված լինել հրապարակումից հետո։