Անցեք առաջ՝ առաջարկվող արդյունքներին ծանոթանալու համար
    Այս բովանդակությունը հասանելի չէ ձեր ընտրած լեզվով, ուստի այն ցուցադրում ենք դրան ամենամոտ լեզվով։

    COVID-19-ին առնչվող հարցերի պատասխաններ ճանապարհորդների համար

    Իմացեք, թե ինչպես ենք աջակցում ձեզ՝ ճամփորդության ճկուն տարբերակներով, ավելի մաքուր տարածքներով և այլն։
    Հեղինակ՝ Airbnb, ամսաթիվ՝ 10 մրտ, 2020 թ.
    6 րոպե ընթերցում
    Թարմացվել է՝ 25 հնս, 2021 թ.

    Մենք գիտենք, որ դեռևս բավականին շատ անորոշություն կա COVID-19-ի շուրջ, և պարզ չէ՝ դա կանդրադառնա՞ ձեր արձակուրդների ծրագրերի վրա, երբ առաջիկա ամիսներին ճանապարհորդությունները վերսկսվեն։ Ճանապարհորդներին աջակցելու համար հետևում ենք ձեր հարցերին և դրանցից մի քանիսին պատասխանում ենք այստեղ։ Մենք կշարունակենք թարմացնել այս էջն իրավիճակի զարգացմանը զուգահեռ, և ավելի շատ պատասխաններ հասանելի կդառնան։

    Պետք է չեղարկեմ ուղևորությունս․ ի՞նչ տարբերակներ ունեմ
    Չեղարկման կանոնները սահմանվում են հյուրընկալողների կողմից և կարող են տարբեր լինել։ Ամեն մի տարածքի չեղարկման կանոնների մանրամասները կարող եք գտնել յուրաքանչյուր հայտարարության հիմնական էջում, իսկ առկա ամրագրումների համար՝ նաև Airbnb կայքի կամ հավելվածի Ուղևորություններ բաժնում։

    Հյուրերը, որոնք նոր ամրագրում են կատարել 2020 թ. մարտի 14-ից հետո, COVID-19-ի պատճառով չեղարկելու դեպքում հետ չեն ստանա գումարը Հարգելի պատճառների կիրառման քաղաքականության շրջանակներում՝ բացի այն դեպքից, երբ հիվանդանան COVID-19-ով։Իմանալ ավելին Հարգելի պատճառների կիրառման քաղաքականության մասին։

      Ես ուզում եմ ուղևորություն ամրագրել, բայց վստահ չեմ, թե ինչպես է զարգանալու իրավիճակը՝ կապված COVID-19-ի կամ միջազգային ճանապարհորդական սահմանափակումների հետ․ ի՞նչ անեմ
      Հասկանալի է, որ կարող եք անորոշություն զգալ ապագա ճանապարհորդություն ամրագրելիս։ Բոլոր հյուրերին հորդորում ենք ամրագրելուց առաջ ուշադիր ուսումնասիրել ցանկացած ամրագրման չեղարկման կանոնները և ընտրել տարածքներ, որոնք ճկունություն են տրամադրում։ Մենք ավելացրել ենք զտիչ, որպեսզի ձեզ համար հեշտացնենք չեղարկման ճկուն կանոններ ունեցող տարածքներ որոնելը։ Նաև ստեղծել ենք այս ռեսուրսը՝ օգնելու ճանապարհորդներին ավելին իմանալ երրորդ կողմ հանդիսացող ճամփորդական ապահովագրության տարբերակների մասին։ Հյուրերը, որոնք նոր ամրագրում են կատարել 2020 թ. մարտի 14-ից հետո, COVID-19-ի պատճառով չեղարկելու դեպքում հետ չեն ստանա գումարը Հարգելի պատճառների կիրառման քաղաքականության շրջանակներում՝ բացի այն դեպքից, երբ հիվանդանան COVID-19-ով։

      Ինչպե՞ս կարող եմ չեղարկման ճկուն կանոններով տարածքներ գտնել
      Մենք ավելացրել ենք զտիչ, որպեսզի ավելի հեշտացնենք չեղարկման ճկուն կանոններով տարածքներ որոնելը։ Մանրամասներ զտիչի մասին։ Հիշեք, որ չեղարկման կանոնները սահմանվում են հյուրընկալողների կողմից և կարող են տարբեր լինել։ Չեղարկման կանոնների մանրամասները կարող եք գտնել յուրաքանչյուր հայտարարության գլխավոր էջում։

      Որտե՞ղ կարող եմ ավելի շատ տեղեկություններ գտնել տեղական ճամփորդական սահմանափակումների և նախազգուշացումների վերաբերյալ
      Շատ համայնքներ ունեն տեղական ճամփորդական նախազգուշացումներ և վարձակալության ժամանակավոր սահմանափակումներ (ներառյալ կարճաժամկետ վարձակալությունները)։ Խորհուրդ ենք տալիս ծանոթանալ տեղական ճամփորդական սահմանափակումներին և նախազգուշացումներին՝ պարզելու, թե արդյոք դա կարող է ազդել ձեր այցի վրա։

      Ըստ հյուրընկալողի չեղարկման կանոնների՝ ես չեմ կարող գումարի վերադարձ ստանալ․ ինչո՞ւ
      Airbnb-ն հարթակի միջոցով միավորված հյուրերի և հյուրընկալողների համայնք է։ Հյուրընկալողներն են որոշում գանձվող գումարը, տարածքի վերաբերյալ հատուկ կանոնները և չեղարկման կանոնները։ Ամեն մի տարածքի չեղարկման կանոնների մանրամասները կարող եք գտնել յուրաքանչյուր հայտարարության հիմնական էջում, իսկ առկա ամրագրումների համար՝ նաև Airbnb կայքի կամ հավելվածի Ուղևորություններ բաժնում։ Շատ դեպքերում հյուրընկալողների օրվա վաստակն ամբողջովին կախված է Airbnb-ից ստացված եկամտից, ուստի նրանք դժվարանում են բացառություններ անել իրենց կանոններում։

      Մի հյուրընկալող հենց նոր չեղարկեց իմ ամրագրումը․ ի՞նչ կլինի հիմա
      Մենք գիտենք, որ չեղարկումները տհաճ են, նույնիսկ եթե դրանց պատճառը հասկանալի է։ Նկատի ունեցեք, որ ամրագրում չեղարկող շատ հյուրընկալողների վրա կարող է ազդած լինել COVID-19-ը, կամ նրանք գործում են ի պաշտպանություն մեր ամբողջ համայնքի։

      Եթե հյուրընկալողը չեղարկի, ապա կարող եք ամբողջ գումարի վերադարձի իրավունք ունենալ։ Ձեր գումարի վերադարձի մանրամասներն իմանալու համար բացեք Airbnb կայքի կամ հավելվածի Ուղևորություններ բաժինը։

      Եթե ամեն դեպքում պետք է ճանապարհորդեք, հուսով ենք, որ կրկին կամրագրեք Airbnb-ի միջոցով։

      Այցի ընթացքում առողջության, անվտանգության և մաքրման ինչպիսի՞ ուղեցույցներ կան հյուրերի և հյուրընկալողների համար
      Մեր համայնքի անվտանգությունը առաջնահերթ է, ուստի մենք ստեղծել ենք COVID-19-ին առնչվող անվտանգության մի շարք պարտադիր կանոններ թե՛ Airbnb հյուրընկալողների, թե՛ հյուրերի համար՝ հիմնվելով այնպիսի մասնագետների ցուցումների վրա, ինչպիսիք են Առողջապահության համաշխարհային կազմակերպությունն ու ԱՄՆ-ի հիվանդությունների վերահսկման և կանխարգելման կենտրոնները։ Ամբողջ աշխարհի հյուրընկալողներն ստանձնում են COVID-19-ին առնչվող անվտանգության և մաքրման թարմացված կանոններին հետևելու պարտավորություն, որպեսզի ձեզ ավելի հանգիստ զգաք։ Իմացեք ավելին այստեղ։

      Վերջերս հրաժարվեցինք ամբողջ աշխարհով մեկ դիմակի կրում և սոցիալական հեռավորության պահպանում պահանջելուց։ Փոխարենը՝ հյուրընկալողներին և հյուրերին խնդրում ենք հետևել տեղական օրենքներին և ուղեցույցներին, քանի որ Airbnb-ն տարածքներ ունի ամբողջ աշխարհում, և տարբեր համայնքներ գտնվում են COVID-19-ը զսպելու ջանքերի տարբեր փուլերում։ Խորհուրդ ենք տալիս ծանոթանալ COVID-19-ին առնչվող ընդհանուր առողջության և անվտանգության ուղեցույցներին, կառավարության կողմից սահմանված կիրառելի ճամփորդական սահմանափակումներին ու նախազգուշացումներին և ճանապարհորդելիս հետևել բոլոր տեղական ուղեցույցներին։

      Ուզում եմ ֆիզիկական մասնակցությամբ Airbnb փորձառություն ամրագրել․ ի՞նչ պետք է իմանամ
      Մենք վերաբացել ենք ֆիզիկական մասնակցությամբ փորձառություններն այն վայրերում, որտեղ դա թույլատրելի է, և ներմուծել ենք առողջության և անվտանգության վերաբերյալ ուղեցույցներ, որոնք պահանջում են, որ հյուրընկալողներն ու հյուրերը կրեն դեմքի պաշտպանիչ միջոցներ և սոցիալական հեռավորություն պահպանեն, եթե դա պահանջվում է տեղական օրենքներով կամ ուղեցույցներով։ Կառավարության սահմանափակումները փոխվում են, ուստի հնարավոր է՝ ստիպված լինենք որևէ տեղ դադարեցնել փորձառությունը՝ այն վերաբացելուց հետո, և այդ մասին կտեղեկացնենք ձեզ։ Եթե փորձառություն եք ամրագրել մի վայրում, որտեղ ամրագրումները դադարեցվել են, կստանաք 25 ԱՄՆ դոլարի շահակտրոն՝ ապագայում որևէ փորձառության մասնակցելու համար։Մանրամասներ վերաբացման մասին

      Եթե նախընտրում եք փորձառության մասնակցել միայն ձեր խմբի հետ, մտածեք անձնական ամրագրման մասին։ Եթե ֆիզիկական մասնակցությամբ փորձառությունները դեռ չեն վերաբացվել ձեր համայնքում, աչքի անցկացրեք մեր առցանց փորձառությունները։ Անկախ այն բանից՝ ուզում եք նոր հմտություն սովորել, զվարճալի միջոցառման միջոցով շփվել ընկերների հետ, թե փորձել թիմի ստեղծման վարժություն ձեր աշխատակիցների հետ, այժմ դա կարող եք անել անվտանգ կերպով՝ ձեր իսկ տնից։ Մոգության գաղտնիքներ սովորելուց մինչև մարոկկոյական ընտանիքի հետ ուտեստ պատրաստելը կամ բուդդայական վանականի հետ մեդիտացիա անելը՝ արդեն իսկ առաջարկվում են բազմաթիվ առցանց փորձառություններ։

      COVID-19-ին առնչվող անվտանգության կանոնները տարածվո՞ւմ են հյուրերի վրա
      Շարունակվող համավարակի պայմաններում կարևոր է, որ մենք բոլորս օգնենք կանխել COVID-19-ի տարածումը։ Դա հաշվի առնելով՝ մենք գործարկեցինք անվտանգության պարտադիր կանոններ՝ հիմնվելով առողջապահական ոլորտի մասնագետների, օրինակ՝ ԱՄՆ հիվանդությունների վերահսկման և կանխարգելման կենտրոնների ցուցումների վրա։ Airbnb համայնքի բոլոր անդամները պարտավոր են հետևել կանոններին։ Որպես անվտանգության կանոնների մի մաս՝ թե՛ հյուրերը, թե՛ հյուրընկալողները պետք է համաձայնեն անձամբ շփվելիս կրել դիմակ կամ դեմքի պաշտպանիչ միջոց և պահպանել սոցիալական հեռավորություն, երբ դա պահանջվում է տեղական օրենսդրությամբ կամ ուղեցույցներով։

      Ես Airbnb տարածք եմ ամրագրել մի միջոցառման համար, որը չեղարկվել է․ կարելի՞ է չեղարկել իմ ամրագրումը
      Մենք գիտենք, որ մեր ճանապարհորդներից շատերը Airbnb-ի միջոցով տարածքներ են ամրագրում՝ միջոցառումների մասնակցելու համար։ Եթե որևէ միջոցառում, որին պատրաստվում էիք մասնակցել, չեղարկվել է, և ձեր ամրագրումը չի ծածկվում Հարգելի պատճառների կիրառման քաղաքականությամբ, խնդրում ենք ստուգել ձեր ամրագրման չեղարկման կանոնները։ Կարող եք նաև անմիջականորեն դիմել ձեր հյուրընկալողին։

      Ի՞նչ է Հարգելի պատճառների կիրառման քաղաքականությունը
      Airbnb-ի Հարգելի պատճառների կիրառման քաղաքականությունը հյուրերին և հյուրընկալողներին հնարավորություն է տալիս չեղարկելու առանց գանձումների, եթե ամրագրումների վրա ազդում են այնպիսի գործոններ, ինչպիսիք են լուրջ վնասվածքները կամ հիվանդությունները, բնական աղետները, ճամփորդական սահմանափակումները և այլ չնախատեսված իրադարձություններ։ Հյուրերը, որոնք նոր ամրագրում են կատարել 2020 թ. մարտի 14-ից հետո, COVID-19-ի պատճառով չեղարկելու դեպքում հետ չեն ստանա գումարը Հարգելի պատճառների կիրառման քաղաքականության շրջանակներում՝ բացի այն դեպքից, երբ հիվանդանան COVID-19-ով։ Ձեր ամրագրման չեղարկման հասանելի տարբերակները ուսումնասիրելու համար այցելեք Airbnb կայքի կամ հավելվածի Ուղևորություններ բաժինը։

      Ես ամրագրել եմ Airbnb Luxe տարածք․ Հարգելի պատճառների կիրառման քաղաքականությունը կիրառելի՞ է իմ ամրագրման նկատմամբ
      Հարգելի պատճառների կիրառման քաղաքականությունը չի տարածվում Airbnb Luxe ամրագրումների վրա, որոնք կարգավորվում են այլ՝ Luxe հյուրերի փոխհատուցման քաղաքականությամբ։

      Կա՞ն լրացուցիչ ռեսուրսներ, որոնք կօգնեն տեղեկացված լինել ճանապարհորդելիս
      Ճամփորդական սահմանափակումների և ուղեցույցների վերաբերյալ արդիական տեղեկություններ ստանալու համար աչքի անցկացրեք այս ռեսուրսը։

      COVID-19-ի տարածումը կանխելու համար կարող եք ձեր հեռախոսում ներբեռնել վարակված լինելու վտանգի մասին ծանուցող հավելվածներ։ Երրորդ կողմի այս ծրագրերը, որոնք մշակվել են ամբողջ աշխարհի առողջապահական մարմինների կողմից՝ հիմնվելով Google-ի և Apple-ի տեխնոլոգիաների վրա, ձեզ տեղեկացնում են, երբ սերտ շփում եք ունեցած լինում որևէ մեկի հետ, ում մոտ COVID-19 է ախտորոշվել։ Իմանալ ավելին վարակված լինելու վտանգի մասին ծանուցումների, դրանց գաղտնիության կանոնների և այն մասին, թե ինչպես ստանալ ծանուցումներ։

      Ես այլ հարցեր էլ ունեմ․ ո՞ւմ դիմեմ
      Աշխարհով մեկ ճանապարհորդությունների վրա COVID-19-ի ունեցած լայնածավալ ազդեցությամբ պայմանավորված՝ մեր համայնքի աջակցման թիմը շարունակում է ստանալ չափազանց շատ զանգեր և հաղորդագրություններ։ Եթե այնպիսի իրավիճակում եք, որ համայնքի աջակցման թիմի անդամի անհապաղ օգնության կարիքն ունեք, միշտ կարող եք կապվել մեզ հետ՝ անմիջապես հավելվածի միջոցով։

      Ձեր բազմաթիվ հարցերի պատասխանները կարող եք գտնել նաև մեր մշակած ազատ օգտագործման որոշ գործիքներում, որպեսզի ավելի հեշտ լինի ինքնուրույն լուծել խնդիրները։ Այցելեք այս ռեսուրսը՝ թարմացված ճամփորդական սահմանափակումներին ծանոթանալու համար, կամ՝ Օգնության կենտրոն, որտեղ կգտնեք ավելի շատ ռեսուրսներ և տեղեկություններ։

      Մենք գիտենք, թե որքան անհանգստություններ է պատճառել COVID-19-ը ճանապարհորդներին, և կօգնենք ձեզ։ Շնորհակալություն մեր համայնքի անվտանգությունն ու բարեկեցությունը պաշտպանելու նպատակով մեզ հետ համագործակցելու համար։

      Այս հոդվածում պարունակվող տեղեկությունները կարող են փոխված լինել հրապարակումից հետո։

      Airbnb
      10 մրտ, 2020 թ.
      Հոդվածն օգտակա՞ր էր։

      Միգուցե հավանեք նաև

      Միգուցե հավանեք նաև

      Ուսումնասիրեք ավելի շատ թեմաներ