Այս բովանդակությունը հասանելի չէ ձեր ընտրած լեզվով, ուստի այն ցուցադրում ենք դրան ամենամոտ լեզվով։

Օգտվեք հյուրընկալողների՝ միմյանց աջակցելու հնարավորությունից

Կապվեք այլ հյուրընկալողների հետ՝ խորհուրդներ գտնելու և համայնք ստեղծելու համար։
Հեղինակ՝ Airbnb, ամսաթիվ՝ 3 մյս, 2023 թ.
2 րոպե ընթերցում
Թարմացվել է՝ 3 մյս, 2023 թ.

Առանձնահատկություններ

2007 թվականից ի վեր՝ ավելի քան 4 միլիոն հյուրընկալող է իր տարածքը հրապարակել Airbnb-ում։ Այս հյուրընկալողներից շատերը գտել են իրենց անհրաժեշտ կապերն ու աջակցությունը հյուրընկալողների տեղական ակումբների կամ Airbnb համայնքի կենտրոնի միջոցով։

Միացեք Հյուրընկալողների ակումբին՝ տեղացիներից աջակցություն ստանալու համար

Հյուրընկալողների ակումբները գործում են ամբողջ աշխարհի համայնքներում՝ ֆեյսբուքյան փակ խմբերի և հանդիպումների միջոցով։ Միանալով հյուրընկալողների որևէ տեղական ակումբի՝ դուք ստանում եք․

  • Խորհուրդներ այն հյուրընկալողներից, որոնք ծանոթ են, օրինակ, ձեր տարածքում կարճաժամկետ վարձակալության կարգավորումներին
  • Ֆիզիկական մասնակցությամբ և վիրտուալ հանդիպումների հնարավորություն, որոնց ընթացքում կարող եք օգտակար հարաբերություններ հաստատել
  • Airbnb-ի վերջին նորություններին և պրոդուկտների թարմացումներին համայնքի միջոցով ծանոթանալու հնարավորություն
  • Հյուրեր ընդունելու հնարավոր առաջարկներ այն հյուրընկալողներից, որոնք հայտ են ստանում, բայց չեն կարող հյուրընկալել
  • Համայնքի զգացողություն և շարունակական աջակցություն

«Ոչ վաղ անցյալում մեր համայնքի հյուրընկալողներից մեկը դժվարանում էր շատ ամրագրումներ ստանալ»,- ասում է Քենիայում համայնքի ղեկավար Ջանվին։ «Խմբի մյուս անդամները րոպեների ընթացքում խորհուրդներ տվեցին՝ տարածքում մեկ գիշերվա մրցունակ գին սահմանելու, տարածքը նկարահանելու համար տեղացի լուսանկարիչ վարձելու և ձևավորումը թարմացնելու վերաբերյալ։ Միշտ հաճելի է տեսնել, թե ինչպես է համայնքը միավորվում՝ միմյանց աջակցելու համար»։

Միացեք Airbnb քննարկմանը համայնքի կենտրոնում

Airbnb համայնքի կենտրոնն առցանց ֆորում է, որը միավորում է նոր և փորձառու հյուրընկալողների ամբողջ աշխարհից։ Հյուրընկալողներին առաջարկվում է անմիջական շփման համագործակցային տարածք, որտեղ նրանք կարող են․

  • Որոնել առկա նամակագրությունները և գտնել խորհուրդներ թեմաների լայն շրջանակի վերաբերյալ
  • Խորհուրդ հարցնել, թե ինչպես վարվել կոնկրետ իրավիճակում, օրինակ՝ ինչպես պատասխանել հյուրի հաղորդագրությանը կամ բացասական կարծիքին
  • Իրենց հայտարարությամբ կիսվել այլ հյուրընկալողների հետ և ստանալ կարծիքներ ու բարելավման վերաբերյալ խորհուրդներ
  • Կիսվել իրենց հյուրընկալման մասին պատմություններով, օրինակ՝ հյուրից ստացած հուզիչ գրությամբ կամ որևէ օրացուցային խնդրով, որին առնչվում են
  • Կարծիք հայտնել անմիջապես Airbnb-ի աշխատակիցներին

«Հյուրընկալումը սկսելուց երեք տարի անց եկա Airbnb համայնքի կենտրոն՝ որոշակի տեխնիկական խնդրի լուծում գտնելու համար»,- ասում է Կանադայի Նոր Շոտլանդիա նահանգում հյուրընկալող Լոուրենը։ «Կարդալով զրույցները՝ ես հասկացա, որ կարող էի խուսափել բազմաթիվ տարածված սխալներից, եթե ավելի շուտ միացած լինեի։

«Սա իսկապես համայնք է։ Այստեղ մարդիկ խորհուրդներ են տալիս ու աջակցում միմյանց, ոչ թե թաքնված են ավատարների ու օգտանունների հետևում։ Մարդիկ են, որոնք մեծահոգի են և հոգում են ուրիշների մասին։ Այստեղ այնքան շատ հյուրընկալողներ կան, որ ուզում եմ մեկ օր մնալ նրանցից մեկի մոտ»։

Այս հոդվածում պարունակվող տեղեկությունները կարող են փոխված լինել հրապարակումից հետո։

Առանձնահատկություններ

Airbnb
3 մյս, 2023 թ.
Հոդվածն օգտակա՞ր էր։