Airbnb-ն և հյուրընկալողներն ընդլայնում են կանանց և երիտասարդների հնարավորությունները Կոլումբիայում

«Սա Սուպեր Էմպանադան է, որը պայքարում է սովի և աղքատության դեմ»,- ասում է Յուլին՝ ձեռքին պահելով կազմակերպությունը խորհրդանշող ձեռագործ տիկնիկներից մեկը։ Նա Կոլումբիայի Բոգոտա քաղաքում հիմնադրել է True Heroes Foundation-ը և զբաղվում է հյուրընկալությամբ։ 

Տիկնիկի հագին դեղին սուպերհերոսի կոստյում է, կարմիր գլխարկ և կապույտ աչքերով դիմակ։ Սակայն իսկական սուպերհերոսը հենց Յուլին է։ Իր հիմնադրամի միջոցով նա կանանց ապահովում է կարի աշխատանքով՝ օգնելով նրանց լրացուցիչ եկամուտ ստանալ իրենց ընտանիքներին աջակցելու համար։

True Heroes Foundation-ն անցկացնում է դասընթացներ, որտեղ կանայք սովորում են պատրաստել տիկնիկներ և վաճառել շահույթ չհետապնդող կազմակերպության միջոցով։ 2012 թվականից ի վեր՝ տասնյակ մայրեր մասնակցել են դասընթացներին։ Հիմնադրամը նաև առաջարկում է անվտանգ տարածություն մայրերի և նրանց երեխաների համար՝ հոգեկան առողջությանն աջակցելու, համայնք գտնելու և արվեստի ու ստեղծագործության միջոցով ինքնադրսևորվելու նպատակով։

Որպես Բոգոտայի հյուրընկալողների ակումբի անդամ՝ Յուլին առաջադրել է հիմնադրամի թեկնածությունը Airbnb-ի համայնքային հիմնադրամի նվիրատվության համար։ Հյուրընկալողների ակումբներն ամեն տարի հնարավորություն ունեն Համայնքային հիմնադրամի միջոցով աջակցելու իրենց տեղական համայնքին։ Առաջադրման շնորհիվ՝ True Heroes Foundation-ը ստացել է 10 000 ԱՄՆ դոլարի նվիրատվություն։

Նվիրատվությունը կօգնի շահույթ չհետապնդող կազմակերպությանը ձեռք բերել լրացուցիչ կարի մեքենաներ, ներգրավել հեռակա հոգեբանի և ընդլայնել տարածքը։ Այն նաև վեց ամիս շարունակ լրացուցիչ եկամուտով կապահովի առնվազն չորս ընտանիքի։

«Airbnb-ի դրամաշնորհի շնորհիվ մենք 2024 թվականը կսկսենք հիանալի նախագծերով և մեր կազմակերպության բարելավված հնարավորություններով»,- ասում է Յուլին։ «Շատ կարևոր է, որ Airbnb-ի նման մեծ ընկերությունն աջակցում է մեզ»։

Հյուրընկալողների 50-ից ավելի ակումբներ շահույթ չհետապնդող կազմակերպությունների թեկնածություն են առաջադրել ամբողջ աշխարհում, որպեսզի 2023 թվականին ստանան Airbnb-ի համայնքային հիմնադրամի նվիրատվությունները։ Համայնքային հիմնադրամի 2024 թվականի նվիրատվությունների անվանակարգերն այժմ բաց են։ Մանրամասների համար կապվեք հյուրընկալողների տեղական ակումբի հետ։

Այս հոդվածում պարունակվող տեղեկությունները կարող են փոխված լինել հրապարակումից հետո։