Airbnb-ի սպասարկման վճարների պարզեցում

Մենք պարզեցնում ենք վճարների կառուցվածքը, որպեսզի ավելի հեշտ լինի իմանալ հյուրերի վճարելիք գումարը և սահմանել մրցունակ գներ։

Սեփականության կառավարման կամ ալիքների կառավարման ծրագրակազմ օգտագործող որոշ հյուրընկալողներ վերջերս անցել են միասնական վճարի։ Եթե դեռ անցում չեք կատարել, իմացեք, թե ինչ փոփոխություններ են արվել, և ինչպես նույնը թողնել ձեր վերջնավճարները։

Որպես կանոն՝ այսօր և՛ հյուրընկալողները, և՛ հյուրերը վճարում են սպասարկման վճարներ։ Արդյունքում՝ դուք սահմանում եք մի գին, բայց ձեր հյուրերը տեսնում են ավելի բարձր գին, որը ներառում է իրենց սպասարկման վճարը։

Շատ հյուրընկալողներ մեզ ասում են, որ սա դժվարացնում է գնանշումը։ Օրինակ՝ եթե գինը սահմանեք 100 ԱՄՆ դոլար, հյուրերը կտեսնեն 115 ԱՄՆ դոլար, երբ ավելացվի հյուրի վճարը, իսկ դուք կվաստակեք 97 ԱՄՆ դոլար, երբ հանվի հյուրընկալողի վճարը։*

Գնանշումը պարզեցնելու համար մենք երկու վճարները միավորում ենք հյուրընկալողների վճարած սպասարկման 15,5% միասնական վճարի մեջ։ Օրինակ՝ եթե գինը սահմանեք 115 ԱՄՆ դոլար, հյուրերը կտեսնեն 115 ԱՄՆ դոլար, իսկ դուք միասնական վճարի հանումից հետո կվաստակեք 97 ԱՄՆ դոլար։

15,5% վճարը հիմնված է ամբողջ աշխարհում Airbnb-ի սպասարկման վճարների միջին արժեքի վրա։

Սեփականության կառավարման ծրագրակազմ օգտագործող հյուրընկալողները, որոնք դեռ չեն անցել սպասարկման միասնական վճարի, միասնական վճարի կանցնեն հոկտեմբերի 13-ին։

Հարկ կլինի ճշգրտել գները, որպեսզի մեկ գիշերվա համար ձեր վերջնավճարները մնան նույնը։ Նախորդ օրինակով՝ եթե գինը 100 ԱՄՆ դոլարից փոխեք 115 ԱՄՆ դոլարի, առաջվա պես կվաստակեք 97 ԱՄՆ դոլար, իսկ հյուրերն առաջվա պես կտեսնեն 115 ԱՄՆ դոլար։

Եթե ճշգրտում եք գները՝ հաշվի առնելով սպասարկման միասնական վճարը, փոփոխությունները կատարեք հոկտեմբերի 13-ին՝ օգտագործելով սեփականության կառավարման ծրագրակազմը։ Այնուհետև վերստուգեք, որ ձեր գները, այդ թվում՝ զեղչերն ու հատուկ առաջարկները, ճիշտ լինեն ձեր օգտագործած ծրագրակազմում և հարթակներում։

Եթե որոշեք փոփոխություններ կատարել մինչև հոկտեմբերի 13-ը, պետք է Airbnb հաշվի «Վճարումներ» բաժնում ձեռքով թարմացնեք ձեր վճարների կառուցվածքը՝ անցնելով միասնական սպասարկման վճարին։

Միասնական սպասարկման վճարը կկիրառվի միայն այն ամրագրումների նկատմամբ, որոնք կատարվել են միասնական վճարի անցնելուց հետո։

Եթե մինչև հոկտեմբերի 13-ի վերջնաժամկետը քայլեր չձեռնարկեք, ձեր մեկ գիշերվա գներն ու վերջնավճարները կնվազեն։ Օրինակ՝ եթե գինը մնա 100 ԱՄՆ դոլար, 15,5% վճարի հանումից հետո կվաստակեք 84,50 ԱՄՆ դոլար, իսկ հյուրերը կտեսնեն 100 ԱՄՆ դոլար։

Իմացեք ավելին Airbnb-ի սպասարկման վճարների մասին։

*Սրանք ընդամենը օրինակներ են և հաշվի չեն առնում այն վճարները, որոնք հյուրընկալողները որոշում են ավելացնել, կամ հարկերը։

Կարող են լինել բացառություններ։ Բրազիլիայում և Մեքսիկայում առաջարկվող տարածքների համար միասնական վճարը կմնա 16%։

Որոշ երկրներում և տարածաշրջաններում հարկերը ներառված են հայտարարություններում ցուցադրված ընդհանուր գնի մեջ։ Հարկերը միշտ ներառված են ընդհանուր գնի մեջ, որը հյուրերին ցուցադրվում է նախքան վճարումը։

Այս հոդվածում պարունակվող տեղեկությունները կարող են փոխված լինել հրապարակումից հետո։