Վերջին պահի ամրագրումներ ստանալու 5 միջոց
Նույնիսկ ամենասիրված տարածքները երբեմն կարող են չամրագրվել։ Դիտարկեք վերջին պահի ամրագրումներ ստանալու և ձեր եկամուտներն առավելագույնի հասցնելու այս 5 խորհուրդները։
1. Ավելացրեք զեղչ
Վերջին պահի զեղչ առաջարկելը հյուրերին ամրագրում կատարելու լրացուցիչ խթան է տալիս։ Զեղչը վերաբերում է ժամանումից 1-ից մինչև 28 օր առաջ հաստատված ամրագրումներին։
Հյուրերը որոնման արդյունքներում և ձեր հայտարարության էջում կտեսնեն գնի իջեցում, երբ առաջարկեք ձեր 60-օրյա այցի միջին գնի 10%-ի չափով կամ ավելի մեծ զեղչ։ Զեղչված գինը հայտնվում է սկզբնականի կողքին, որը վրագծված է։
Վերջին պահի զեղչ ավելացնելու համար՝
- Բացեք Գնանշում ներդիրը ձեր հայտարարության օրացույցում։
- Հպեք Այլ զեղչեր։
- Գտեք Վերջին պահի զեղչեր և հպեք Ավելացնել զեղչ։
- Մուտքագրեք ժամանմանը նախորդող օրերի քանակը՝ 1-ից մինչև 28։
- Մուտքագրեք տոկոսային զեղչը, որը ցանկանում եք առաջարկել։
Կարող եք փոփոխել զեղչը՝ կախված ամրագրման ժամանակից։ Օրինակ՝ կարող եք մեծացնել տոկոսը ամսաթվի մոտենալուն զուգահեռ։
Այս զեղչը հասանելի չէ, երբ միացված է Խելացի գնանշումը։
2. Թույլատրեք կարճաժամկետ այցեր
Ուղևորության նվազագույն տևողության կրճատումը հյուրերին հնարավորություն է տալիս ամրագրել ավելի կարճ այցեր։
Ուղևորության տևողությունը փոխելու համար՝
- Բացեք Ազատ ամսաթվեր ներդիրը հայտարարության օրացույցում։
- Հպեք Գիշերների նվազագույն քանակ Ուղևորության տևողություն ներդիրի տակ։
- Ուղևորության նվազագույն տևողությունը փոփոխեք ըստ ձեր հարմարության։
Կարող եք այս կարգավորումն անհատականացնել ըստ ժամանման օրվա։ Օրինակ՝ որոշ հյուրընկալողներ ուրբաթ կամ շաբաթ օրերին սկսվող ամրագրումների համար սահմանում են նվազագույն տևողություն, որը տարբերվում է այլ օրերին սկսվող ամրագրումների համար սահմանված նվազագույն տևողությունից։
3. Համեմատեք նմանատիպ տարածքները
Նմանատիպ տարածքների համեմատումը կարող է օգնել ձեզ մրցունակ գին սահմանել չամրագրված գիշերների համար։ Նույն ամսաթվերի համար ստուգեք ձեր տարածաշրջանում նմանատիպ տարածքների միջին գները և մտածեք մեկ գիշերվա գնի ճշգրտման մասին։
Նմանատիպ հայտարարությունները համեմատելու համար՝
- Բացեք Գնանշում ներդիրը ձեր հայտարարության օրացույցում։
- Ընտրեք մինչև 31 օր պարունակող ժամանակահատված։
- Հպեք Դիտել նմանատիպ հայտարարություններ։
Ձեր տարածքի քարտեզը ցույց կտա մոտակայքում գտնվող նմանատիպ տարածքների միջին գները՝ ըստ տեղադրության, չափի և հարմարությունների։ Քարտեզի վրայի կոճակներն օգտագործեք ամրագրված կամ չամրագրված տարածքները ցուցադրելու համար։
«Ես միշտ ստուգում եմ՝ արդյոք իմ գները մրցունակ են, և ուզում եմ իմանալ, թե տարածաշրջանում գործող այլ հյուրընկալողներ որքան են վաստակում մեկ գիշերվա համար»,– ասում է Ավստրալիայի Նոր Հարավային Ուելս նահանգում սուպերտանտեր Ֆելիսիտին։
4. Հարմարեցրեք մեկ գիշերվա գինը
Չամրագրված գիշերների համար գինը նվազեցնելը հիանալի միջոց է հյուրերին գրավելու և ձեր տան ամրագրումների թիվն ավելացնելու համար։ Այն տարածքների հայտարարությունները, որոնց գներն ավելի ցածր են, քան մոտակայքում գտնվող նմանատիպ հարմարություններ ունեցող տարածքների գները, որպես կանոն, ավելի բարձր դիրք են զբաղեցնում որոնման արդյունքներում։
Կարող եք ցանկացած ժամանակ ճշգրտել սահմանված գինը՝ ըստ ձեր նպատակային եկամուտների։
5. Կրճատեք ամրագրման և ժամանման միջև ժամանակահատվածները
Ցածր սեզոնի ընթացքում թույլ տվեք հյուրերին ժամանման օրվան մոտ ամրագրում կատարել, որպեսզի լրացնեք ձեր օրացույցը։ Կարող եք կրճատել նախնական ծանուցման ժամանակահատվածը կամ արգելահանել նախապատրաստման ժամանակը ամրագրումներից առաջ և հետո, եթե միշտ չէ, որ դրա կարիքն ունեք։
«Լավ գիտեմ, թե ինչ է նշանակում ճանապարհորդել և վերջին պահին կացարան փնտրել, ուստի չեմ սահմանափակում ամրագրման հայտ ուղարկելու ժամանակը»,– ասում է Արկանզաս նահանգի Լիթլ Ռոք քաղաքում սուպերտանտեր Միրանդան։ «Նույնիսկ եթե հաջորդ օրվա համար ամրագրում չլինի, ես կհոգամ, որ տարածքը մաքուր և պատրաստ լինի հյուրերի համար»։
Ձեր նախնական ծանուցումը կամ նախապատրաստման ժամանակը փոխելու համար՝
- Բացեք Ազատ ամսաթվեր ներդիրը հայտարարության օրացույցում։
- Բացեք Նախնական ծանուցում կամ Նախապատրաստման ժամանակ։
- Ընտրեք ձեզ հարմար օրերի քանակը։
Կարող եք նաև թույլատրել ժամանումից առաջ ձեր սահմանած նվազագույն ժամկետից ավելի շուտ ծանուցմամբ հայտեր։ Ձեզ կառաջարկվի ուսումնասիրել և հաստատել այդ հայտերը։
Հյուրընկալողները վճարվել են հարցազրույցներին մասնակցելու համար։
Այս հոդվածում պարունակվող տեղեկությունները կարող են փոխված լինել հրապարակումից հետո։