Այս բովանդակությունը հասանելի չէ ձեր ընտրած լեզվով, ուստի այն ցուցադրում ենք դրան ամենամոտ լեզվով։

Ընդունեք փորձառությունների չեղարկման մեր ճկուն կանոնները

Ճկուն կանոնները կօգնեն գրավել հյուրերի և նվազեցնել նվազեցնել վերջին պահին չեղարկումների քանակը։
Հեղինակ՝ Airbnb, ամսաթիվ՝ 16 դեկ, 2021 թ.
2 րոպե ընթերցում
Թարմացվել է՝ 16 դեկ, 2021 թ.

Առանձնահատկություններ

  • Ձեզ հրավիրում ենք ընտրելու չեղարկման նոր կանոններ, որոնք ավելի ճկուն են հյուրերի համար։

  • Հետազոտությունը ցույց է տալիս, որ հյուրերը նախընտրում են փորձառություններ ամրագրել ավելի ճկուն կանոններով։

  • Մեր ավելի ճկուն կանոնները հյուրերին թույլ են տալիս անվճար չեղարկել փորձառության մեկնարկից առնվազն 24 ժամ առաջ։

Ըստ Airbnb-ի հետազոտության արդյունքների՝ հյուրերը բարձր են գնահատում անհրաժեշտության դեպքում ամրագրումները չեղարկելու ճկունությունը, քանի որ դա կարող է օգնել նվազեցնել պլանավորման սթրեսը և նրանց ազատություն տալ ու դարձնել ավելի անկաշկանդ։

Այնուամենայնիվ, հյուրընկալողները մեզ ասացին, որ երբ հյուրերը վերջին պահին չեղարկում են փորձառությունը, իրենք հայտնվում են անհարմար դրության մեջ։ Դուք ժամանակ և ջանքեր եք ներդնում, որպեսզի փորձառություն ստեղծեք հյուրերի համար, իսկ չեղարկումը կարող է ազդել ձեր եկամտի վրա։

Հաշվի առնելով ձեր կարծիքը՝ մենք թարմացնում ենք փորձառությունների չեղարկման կանոնները, որպեսզի օգնենք նվազեցնել ֆինանսական ազդեցությունը ձեր վրա, երբ վերջին պահին չեղարկում է կատարվում։ Այժմ դուք կունենաք չեղարկման ճկուն կամ ավելի խիստ կանոններ ընտրելու հնարավորություն՝ միաժամանակ հյուրերին թույլ տալով ընտրել իրենց կարիքներին համապատասխան փորձառություններ։

Ի՞նչ է փոխվում

2021 թվականի նոյեմբերի 10-ից սկսած՝ փորձառությունների բոլոր կազմակերպիչներին հրավիրում ենք ընտրելու չեղարկման նոր, ավելի ճկուն կանոններ։ Դուք կկարողանաք ընտրել փոփոխված ընթացիկ կանոնները կամ ստորև նկարագրված ավելի ճկուն կանոնները.

  • Փոփոխված գործող կանոններ․ Հյուրերը կարող են անվճար չեղարկել փորձառության մեկնարկից առնվազն 7 օր առաջ կամ ամրագրումից հետո 24 ժամվա ընթացքում, եթե փորձառությունը գնեն ավելի քան 48 ժամ առաջ։
  • Ավելի ճկուն․ Հյուրերը կարող են անվճար չեղարկել փորձառության մեկնարկից առնվազն 24 ժամ առաջ։

Նախկինում Airbnb փորձառությունների չեղարկման կանոնները հյուրերին թույլ էին տալիս ամբողջությամբ հետ ստանալ գումարը, եթե չեղարկեին փորձառությունից 7 օր առաջ կամ ամրագրումից հետո 24 ժամվա ընթացքում։ Բայց հյուրընկալողները մեզ ասացին, որ դա հարմար չէր իրենց, որովհետև վերջին պահին ամրագրողներն ունենում էին չեղարկելու և ամբողջ գումարը հետ ստանալու հնարավորություն։

Հյուրընկալողները նաև նշել են, որ կցանկանային ավելի մեծ վերահսկողություն ունենալ չեղարկման կանոնների նկատմամբ։ Այս թարմացման դեպքում հյուրընկալողները ստիպված չեն լինի մեկնարկից 48 ժամ առաջ արգելափակել իրենց փորձառությունների նոր ամրագրումները, որպեսզի խուսափեն վերջին պահին ամրագրումների չեղարկումներից։

Թարմացնել չեղարկման կանոնները

Ընտրել հարմար տարբերակ
Անցնել փորձառություններին
Կարող եք ցանկացած պահի փոխել փորձառության չեղարկման կանոնները՝ գնալով Ձեր փորձառությունները » Փոփոխել » Ընդհանուր կարգավորումներ » Չեղարկման կանոններ։

Ինչպե՞ս դա կազդի գումարի վերադարձի գործընթացի վրա

Փորձառությունների չեղարկման գործող կանոնների թարմացումները նախատեսված են վերջին պահին կատարվող չեղարկումները նվազագույնի հասցնելու համար։ Այժմ հյուրընկալողները կունենան եկամուտների հավելյալ պաշտպանություն, եթե հյուրն ամրագրի ավելի ուշ, քան մեկնարկից 48 ժամ առաջ, իսկ հետո չեղարկի։

Մտածեք, թե որ կանոններն են ձեզ հարմար

Հյուրընկալողները գուցե ցանկանան ընտրել չեղարկման նոր, ավելի ճկուն կանոնները, եթե նրանց համար ընդունելի է, որ հյուրերը չեղարկեն փորձառության մեկնարկից առնվազն 24 ժամ առաջ։ Մեր հետազոտության մեջ հյուրերի մեծ մասն ասում է, որ նախընտրում է չեղարկման ճկունություն ունենալ և՛ առցանց, և՛ ֆիզիկական մասնակցությամբ փորձառությունների պարագայում։ Սա նշանակում է, որ, նույնիսկ եթե որոշ հյուրեր չեղարկեն, չեղարկման ավելի ճկուն կանոններ ընտրելը կարող է օգնել ձեզ գրավել ընդհանուր առմամբ ավելի շատ ամրագրումներ։

Եթե ձեր փորձառության համար անհրաժեշտ է ամրագրումների միջև նշանակալի ժամանակ կամ նախապատրաստություն, գուցե հարմար լինի հավատարիմ մնալ փոփոխված ընթացիկ կանոններին, բայց նկատի ունեցեք, որ այդ դեպքում հյուրերը նվազ ճկունություն կունենան։

Ավելին իմանալու համար այցելեք Օգնության կենտրոն։

Առանձնահատկություններ

  • Ձեզ հրավիրում ենք ընտրելու չեղարկման նոր կանոններ, որոնք ավելի ճկուն են հյուրերի համար։

  • Հետազոտությունը ցույց է տալիս, որ հյուրերը նախընտրում են փորձառություններ ամրագրել ավելի ճկուն կանոններով։

  • Մեր ավելի ճկուն կանոնները հյուրերին թույլ են տալիս անվճար չեղարկել փորձառության մեկնարկից առնվազն 24 ժամ առաջ։

Airbnb
16 դեկ, 2021 թ.
Հոդվածն օգտակա՞ր էր։