Ինչպես առաջարկել յուրահատուկ փորձառություն

Հյուրերն այնպիսի փորձառություններ են փնտրում, որոնք, իրենց կարծիքով, չեն կարող գտնել որևէ այլ տեղ։ Օգտագործեք ձեր գիտելիքներն ու անհատականությունը՝ միջոցառումները յուրահատուկ և հիշարժան դարձնելու համար։

Փորձառությունները պետք է հյուրերին օգնեն ծանոթանալ մշակույթին, հմտությանը կամ վայրին իրենց քաղաքը լավագույնս իմացող տեղացի հյուրընկալողների օգնությամբ։

• Ցույց տվեք ձեր քաղաքը։ Կազմակերպեք միջոցառումներ, որոնք հյուրերը չէին կարողանա միայնակ անել։ Ջասթինը, որը քայլարշավներ է հյուրընկալում Ավստրալիայի Սիդնեյ և Բրիսբեն քաղաքներում, հյուրերին տանում է սովորական տեսարժան վայրերից դուրս։ «Մարդկանց մոտ Սիդնեյն ասոցացվում է լողափերի, օպերայի և ծովամթերքի հետ»,- ասում է նա։- «Իսկ ես հյուրերին տանում եմ Փոքրիկ Իտալիա, Թաիլանդական թաղամաս և այլ անսովոր տարածքներ։ Մենք շփվում ենք տեղական ձեռնարկության սեփականատերերի հետ, որոնց պատմությունները ես կարող եմ պատմել»։
• Պատմեք ձեր մասին։ Ընդգծեք ձեր իսկական կապը փորձառության հետ։ Էվրենը, որը Լոնդոնի Սոհո թաղամասում երաժշտական քայլարշավ է հյուրընկալում, կիթառ է նվագել խմբում, վարել է ձայնագրման լեյբլ և ղեկավարել է ռոք խումբ։ «Այն, ինչ ես կպատմեմ, ուրիշ ոչ ոքից չեք լսի»,- ասում է նա։

Մտածեք, թե ինչ եք ուզում, որ հյուրերը ստանան ձեզ հետ անցկացրած ժամանակից։

• Ինչ-որ անմոռանալի բան կազմակերպեք։ Պարտադիր չէ, որ այն լինի շռայլ կամ թանկ։ Ռութին, որը գաստրոնոմիական շրջագայություն է հյուրընկալում Լիսաբոնում, հյուրերին տանում է ընտանեկան ռեստորան՝ համտեսելու նրանց ֆերմայի ձիթապտղի յուղը։ «Այս յուղը չի վաճառվում, ուստի ռեստորանում այն փորձելը եզակի հնարավորություն է»։
• Չմոռանաք հուշանվերի մասին։ Այն պետք է կապված լինի փորձառության թեմայի հետ, օրինակ՝ տնական մակարոն կամ կավե ամաններ։ Դանիլոն, որը լուսանկարչական սեմինարներ է հյուրընկալում Բեռլինում, օգնում է հյուրերին խմբագրել փորձառության ժամանակ արված լավագույն լուսանկարները։ «Խմբագրման հնարավորությունը իսկական բոնուս է»,- ասում է նա։

Եթե փոխում եք ձեր փորձառությունը՝ այն ավելի յուրահատուկ դարձնելու նպատակով, թարմացրեք հայտարարությունը, որպեսզի հյուրերն իմանան, թե ինչ ակնկալեն։

Բոլոր հյուրընկալողները, լուսանկարները և տարածքի մանրամասները պետք է համապատասխանեն Airbnb փորձառությունների համար սահմանված ստանդարտներին և պահանջներին։

Այս հոդվածում պարունակվող տեղեկությունները կարող են փոխված լինել հրապարակումից հետո։