Ինչպես խթանել շփումը
Հյուրերը բարձր են գնահատում ձեզ և այլ հյուրերի հետ անմիջական շփման հնարավորությունները։ Նրանց հետ շփվեք փորձառությունից առաջ, հետո և դրա ընթացքում, որպեսզի զգան ջերմ վերաբերմունք։
Հաճելի շփման համար պահերի ստեղծում
Ուղեպլանում ներառեք պահեր, երբ հյուրերը կշփվեն ձեզ, միմյանց և համայնքի հետ։ Դրանք կարող են լինել նախապես պլանավորված կամ ինքնաբուխ միջոցառումներ։
- Մտածեք՝ ինչպես սկսել զրույցը։ Օրինակ՝ հարցրեք հյուրերին, թե որտեղից են նրանք։ Գրասիելան, որը խոհարարության դաս է հյուրընկալում Մեխիկոյում, մի անգամ պարզեց, որ իր միջազգային հյուրերի հարևանն է։ «Պարզ ծանոթությունն անսպասելիորեն վերածվեց ավելի խորը կապի»,- ասում է նա։
- Ստեղծեք հնարավորություններ մասնակիցների միջև փոխգործակցության համար։ Հրավիրեք նրանց քննարկելու կոնկրետ թեմա կամ կիսվելու իրենց պատմությամբ՝ միմյանց ավելի լավ ճանաչելու համար։ «Ես հանդիպում եմ հրաշալի մարդկանց՝ կյանքի զարմանալի պատմություններով»,- ասում է Ալանը, որը շրջայց է հյուրընկալում դեպի Նիագարայի ջրվեժ։- «Նրանք մասնակցում են փորձառություններին՝ այլ մարդկանց հետ ծանոթանալու համար։ Նրանց համար իսկապես կարևոր է անձնական շփումը»։
- Ներկայացրեք ձեր համայնքը։ Հյուրերին օգնեք շփվել տեղացիների հետ․ այդ շփումները կարող են լինել պլանավորված կամ ինքնաբուխ։ Ռութին, որը գաստրոնոմիական շրջագայություն է հյուրընկալում Լիսաբոնում, ասում է, որ հենց ինքն է հյուրերին կապում համայնքի հետ։ «Հյուրերին դուր է գալիս, երբ փողոցում իրենց ծանոթացնում ենք տատիկի հետ»։
Եթե փոփոխություններ եք կատարում ծրագրում՝ հյուրերին հաղորդակցվելու ժամանակ տրամադրելու համար, թարմացրեք ձեր ուղեպլանը, որպեսզի նրանք իմանան, թե ինչ ակնկալեն։
Ինչպես ուղղորդել նամակագրությունը
Օգտագործեք «Հաղորդագրություններ» ներդիրը՝ փորձառությունից առաջ և հետո հյուրերի հետ կապի մեջ լինելու համար։
- Պլանավորեք ողջույնի հաղորդագրություն։ Խմբային հաղորդագրություն ուղարկեք հյուրերին ողջունելու և ներկայանալու համար։ Հարցրեք, թե ինչ ակնկալիքներ ունեն փորձառությունից, և արդյոք նրանցից որևէ մեկը հատուկ առիթ է նշում։
- Իմացեք ավելին յուրաքանչյուր խմբի մասին։ Մասնակցեք զրույցին, որպեսզի հյուրերն ավելի հարմարավետ զգան անձամբ շփվելիս։ Հյուրերի մասին տեղեկությունները՝ ներառյալ նրանց հետաքրքրությունները և բնակության վայրը, կարելի է գտնել «Այսօր» ներդիրում։
- Շարունակեք շփումը փորձառության ավարտից հետո։ Կիսվեք լուսանկարներով, տեսանյութերով ու խորհուրդներով և հյուրերին հորդորեք նույնն անել։ Սա կօգնի մասնակիցներին կապի մեջ մնալ միմյանց հետ։ Բացի այդ, դուք կունենաք դրական գնահատականներ և կարծիքներ ստանալու ավելի մեծ հնարավորություն։
Բոլոր հյուրընկալողները, լուսանկարները և տարածքի մանրամասները պետք է համապատասխանեն Airbnb փորձառությունների համար սահմանված ստանդարտներին և պահանջներին։
Այս հոդվածում պարունակվող տեղեկությունները կարող են փոխված լինել հրապարակումից հետո։