Ինչպես ստեղծել աչքի ընկնող ուղեպլան
Հյուրերն ուզում են նախքան ամրագրելն իմանալ, թե ինչ են անելու փորձառության ընթացքում։ Ուղեպլանը գործողությունների կարճ ծրագիր է, որը հյուրերին օգնում է որոշել՝ արդյոք փորձառությունը հարմար է իրենց։
Ակնկալիքների ձևավորում
Իդեալական ուղեպլանը հյուրերին առաջնորդում է փորձառության սկզբից մինչև վերջ՝ առաջարկելով կոնկրետ միջոցառումների ցանկ։ Առաջին միջոցառումը պետք է ներառի ծանոթացում և ստեղծի հյուրընկալ միջավայր։ Վերջինը պետք է ապահովի հանդիսավոր ավարտ։ Ուղեպլանը կազմեք հնարավորինս պարզ և համառոտ։
Միջոցառումների ավելացում
Պետք է ավելացնեք առնվազն մեկ միջոցառում․ մենք առաջարկում ենք սկսել 3-ից։
Յուրաքանչյուր միջոցառում կազմված է հետևյալ տարրերից։
- Վերնագիր. բացատրեք միջոցառումը 2-4 բառով։ Միշտ սկսեք բայով։
- Նկարագրություն․ վերնագիրը լուսաբանեք մեկ նախադասությամբ։ Հայտնեք հյուրերին, թե ինչ կարող են ակնկալել փորձառության տվյալ պահին։
- Լուսանկար. ընտրեք նկարագրությանը համապատասխանող հասարակ, բարձրորակ պատկեր։ Կենտրոնում, պարզ ֆոնին պատկերված է մեկ տարր կամ անձ։
- Տևողություն. ընտրեք, թե քանի րոպե եք նախատեսում ծախսել այս միջոցառման վրա։
Եթե հյուրերը տուն են տանելու հուշանվեր, նվեր կամ այլ հուշանիշ, այն նկարագրեք որպես վերջին միջոցառում։ Անհրաժեշտության դեպքում կարող եք փոփոխել կամ վերադասավորել միջոցառումները։
Բոլոր հյուրընկալողները, լուսանկարները և տարածքի մանրամասները պետք է համապատասխանեն Airbnb փորձառությունների համար սահմանված ստանդարտներին և պահանջներին։
Այս հոդվածում պարունակվող տեղեկությունները կարող են փոխված լինել հրապարակումից հետո։