Լավագույն գին/որակ հարաբերակցություն
Հյուրերը փնտրում են բացառիկ գին/որակ հարաբերակցությամբ փորձառություններ։ Մտածեք, թե ինչպես ձեր փորձառությունը դարձնել է՛լ ավելի առանձնահատուկ և հյուրերի վճարած գնին համապատասխան։
Փորձառության տեղափոխում հաջորդ մակարդակ
Յուրահատկությունը, գործիմացությունը, շփումը, տեղադրությունը և հուսալիությունն ազդում են ընդհանուր գին/որակ հարաբերակցության վրա։ Լավագույն հյուրընկալողները պատմում են՝ ինչպես առավելագույնս ճիշտ ապահովել գին/որակ հարաբերակցությունը։
- Անհատականացրեք ձեր գործողությունները։ Յուրաքանչյուր խմբի անդամների հոբբիների, լեզուների և այլնի մասին իմացեք «Այսօր» ներդիրի և խմբային նամակագրության միջոցով։ Աշխատեք միջոցառումները համապատասխանեցնել նրանց հետաքրքրություններին։
- Կատարելագործեք, ինչ կարող եք։ Տրամադրեք հյուրերին բարձրորակ նյութեր, պատմեք գրավիչ պատմություններ։ Նույնիսկ ամենափոքր դետալները, օրինակ՝ օրգանական բաղադրիչների օգտագործումը, կարող են մեծ դեր խաղալ։
- Կապ պահպանեք հյուրերի հետ։ Ուղարկեք հաղորդագրություն՝ նրանց շնորհակալություն հայտնելու համար, կիսվեք լուսանկարներով ու խորհուրդներով։ Այս փոքրիկ մանրուքների շնորհիվ հյուրերը կզգան, որ դուք հետաքրքրված եք իրենցով, և որ ձեր միջև իրական կապ է ստեղծվել։
«Փորձառությունից հետո ուղարկում եմ առաջարկությունների անհատականացված քարտեզ»,- ասում է Ջասթինը, որը քայլարշավներ է հյուրընկալում Ավստրալիայի Սիդնեյ և Բրիսբեն քաղաքներում։- «Շատ ավանդական զբոսավարներ նման բան չեն անում։ Հենց այստեղ է, որ հյուրերը տեսնում են լավագույն գին/որակ հարաբերակցությունը»։
Մրցունակ գնի սահմանում
Նույնիսկ լավագույն փորձառությունները կարող են ստանալ ցածր գնահատականներ, եթե հյուրերը կարծեն, որ գինը չափազանց բարձր է։ Իմացեք, թե ինչ պետք է հաշվի առնել գինը սահմանելիս։
- Համեմատեք նմանատիպ փորձառությունները։ Airbnb-ում և այլ հարթակներում որոնեք ձեր փորձառության նման միջոցառումներ՝ տեղական գները համեմատելու և մրցունակ լինելու համար։
- Արձագանքեք պահանջարկի փոփոխություններին։ Սահմանեք տարբեր գներ՝ հաշվի առնելով օրվա ժամը, օրը, սեզոնը կամ հատուկ իրադարձությունները։ Օրինակ՝ հանգստյան օրերին պահանջարկը կարող է ավելի մեծ լինել, քան աշխատանքային օրերին։
- Առաջարկեք զեղչեր։ Սահմանափակ ժամկետով, վաղ ամրագրման և մեծ խմբերի զեղչերն օգնում են գրավել հյուրերին և լրացնել փորձառության օրացույցը։ Երբ ավելացնում եք մեկից ավելի զեղչ, հյուրը կարողանում է որոշել, թե որ զեղչի դեպքում է ունենում ամենամեծ խնայողությունը։
«Միշտ պետք է մարդկանց տալ ավելին, քան նրանք ակնկալում են գնի դիմաց»,- ասում է Էվրենը, որը Լոնդոնի Սոհո տարածաշրջանում երաժշտական քայլարշավ է հյուրընկալում։- «Կարծում եմ՝ դա չի նշանակում, որ պետք է ավելի շատ վայրեր այցելել։ Լավագույն գին/որակ հարաբերակցություն առաջարկելու համար ես կենտրոնանում եմ փաստերի և զվարճալի պատմությունների հիանալի համադրության վրա»։
Բոլոր հյուրընկալողները, լուսանկարները և տարածքի մանրամասները պետք է համապատասխանեն Airbnb փորձառությունների համար սահմանված ստանդարտներին և պահանջներին։
Այս հոդվածում պարունակվող տեղեկությունները կարող են փոխված լինել հրապարակումից հետո։