Ինչպես չեղարկել այցի ընթացքում
Եթե այցի ընթացքում ինչ-որ չնախատեսված բան պատահի, խորհուրդ ենք տալիս գրել հյուրընկալողին՝ լուծումը նախ նրա հետ քննարկելու համար։ Ամենայն հավանականությամբ, նա ձեզ կօգնի անմիջապես շտկել այն։ Եթե ցանկանում եք պահանջել գումարի վերադարձ կամ ամրագրման չեղարկում, մենք ձեզ կօգնենք հայտ ներկայացնել հյուրընկալողին։
Գրեք հյուրընկալողին
Ընդհանրապես, լավ կլինի նախ խոսել հյուրընկալողի հետ։ Կարող եք խնդիրը քննարկելու համար ուղղակի գրել հյուրընկալողին։ Եթե լուծման հարցում համաձայնության գաք հյուրընկալողի հետ, մեծ է հավանականությունը, որ ձեր հայտը կհաստատվի։ Եթե հյուրընկալողն արդեն շտկել է խնդիրը, և դուք կարող եք շարունակել ձեր այցը, ապա բաց թողեք հետևյալ քայլերը։
Հայտ ներկայացրեք 24 ժամվա ընթացքում
Եթե, այնուամենայնիվ, անհրաժեշտ է այցի ընթացքում չեղարկել ամրագրումը, մենք ձեզ կօգնենք խնդրի լուծման վերաբերյալ հայտ ներկայացնել հյուրընկալողին։ Այդ դեպքում կարող եք հյուրընկալողին խնդրել շտկել խնդիրը, պահանջել գումարի մասնակի վերադարձ կամ հայցել ամրագրման չեղարկում ամբողջ գումարի վերադարձով։ Եթե նա ընդունի ձեր հայտը, գումարը կվերադարձվի այն վճարման եղանակին, որն օգտագործել եք ամրագրումը կատարելիս։ Եթե հյուրընկալողը մերժի կամ չպատասխանի, կարող եք դիմել Airbnb-ի օգնությանը։
- Հավաքեք ապացույցներ. հնարավորության դեպքում լուսանկարեք կամ տեսագրեք, որպեսզի փաստագրեք խնդիրները, օրինակ՝ բացակայող կամ չգործող հարմարությունները։
- Հայտ ներկայացրեք հյուրընկալողին․ նկարագրեք խնդիրը, տրամադրեք լուսանկարներ, եթե հնարավոր է, և հյուրընկալողին հայտնեք, թե ինչպես եք ցանկանում լուծել այն։ Կարևոր է օգնության համար դիմել խնդիրը նկատելուց հետո 24 ժամվա ընթացքում։ Այլապես դա կարող է ազդել վերադարձվող գումարի չափի վրա։
- Սպասեք պատասխանի. եթե նա մերժի կամ չպատասխանի 1 ժամվա ընթացքում, կարող եք դիմել Airbnb-ի օգնությանը։ Airbnb-ն կօգնի խնդիրը լուծել Հյուրի փոխհատուցման քաղաքականության հիման վրա։
Առնչվող հոդվածներ
Ինչպես հայցել գումարի վերադարձ
Գումարի վերադարձի կարի՞ք ունեք։ Նախ՝ հյուրընկալողին հաղորդագրություն ուղարկեք, որպեսզի նա կարգավորի խնդիրը։ Եթե չկարողանա կարգավորել այն, կա…- Հյուր
Վերաամրագրման և գումարի վերադարձի քաղաքականություն
Խնդրում ենք աչքի անցկացնել Վերաամրագրման և գումարի վերադարձի քաղաքականությունը։ - Հյուր
Ինչպես պահանջել գումարի վերադարձ
Ցանկացած գումարի վերադարձման հայտերը պետք է մշակվեն Խնդիրների լուծման կենտրոնի միջոցով։