Անցնել բովանդակությանը
    Անցեք առաջ՝ առաջարկվող արդյունքներին ծանոթանալու համար
    Սպասման ժամանակը սովորականից ավելի երկար է
    Կորոնավիրուսի (COVID-19) առաջացրած խնդիրների պատճառով մենք հիմա մեծ թվով դիմումներ ենք ստանում, մինչդեռ աշխատում ենք կրճատված աշխատակազմով։ Եթե ձեր ամրագրած այցը սկսվելու է ավելի քան 72 ժամ հետո, խնդրում ենք մեզ դիմել ժամանման պահին ավելի մոտ ժամանակահատվածում, որպեսզի կարողանանք աջակցել նրանց, ովքեր անհապաղ օգնության կարիք ունեն։ Ամրագրումը փոխելու կամ չեղարկելու համար գնացեք ձեր ուղևորությունների էջ կամ հյուրընկալման կառավարման վահանակ։

    Ի՞նչ գործոններ են ազդում որոնման արդյունքներում իմ հայտարարության դիրքի վրա

    Airbnb-ի որոնման վարկանիշի ալգորիթմն օգնում է հյուրերին գտնել իրենց ուղևորության համար կատարյալ տարածք, իսկ տանտերերին՝ իրենց տարածքին հարմար հյուրեր։ Յուրաքանչյուր որոնման մեջ յուրաքանչյուր հայտարարության համար հաշվի ենք առնում գրեթե 100 տարբեր գործոն (մի անհանգստացեք, լավ դիրք ունենալու համար չպետք է կատարյալ լինեք ամեն ինչում):

    Դիտարկվող հատկանիշների ճշգրիտ ցուցակը գաղտնի է, սակայն ահա հիմնական կատեգորիաները.

    Հյուրի կարիքները․ հաշվի ենք առնում հյուրին վերաբերող գործոնները, այդ թվում՝ որտեղից է որոնում, նախորդ ուղևորությունները, ինչ հայտարարություններ է ավելացրել իր ցանկությունների ցուցակին կամ որոնց վրա է սեղմել և ավելին:

    Հայտարարության տվյալները․ հաշվի ենք առնում օրինակ՝ հինգ աստղանի կարծիքների քանակը, գինը, տեղադրությունը, արդյոք ակնթարթային ամրագրումը միացած է, որքան արագ է տանտերը պատասխանում հայտերին և բազմաթիվ այլ գործոններ:

    Ուղևորության տվյալները․ հաշվի ենք առնում՝ քանի հյուր է ճամփորդում, որքան կտևի և որքան ժամանակ կա մինչև ուղևորությունը, արդյոք սահմանել են նվազագույն կամ առավելագույն գին և մի շարք այլ գործոններ:

    Եթե հետաքրքրված եք մանրամասներով, ահա որոշ առանձնահատկություններ.

    Հասկանալ որոնողներին

    Հասկանալու համար, թե ինչպես են հյուրերն արձագանքել ձեր հայտարարությանը նախորդ որոնումների ժամանակ, հաշվի ենք առնում բազմաթիվ գործոններ, սակայն կարևորը երկուսն են․

    • Սեղմումները որոնման արդյունքների վրա. լավ նշան ենք համարում այն, որ հյուրն ավելին իմանալու համար սեղմում է որոնման արդյունքներում ցուցադրված հայտարարության վրա: Որպեսզի արդյունքներն արդար լինեն տանտերերի ողջ համայնքի համար, մենք հետևում ենք, որպեսզի հաշվենք միայն տարբեր հյուրերի սեղմումները:
    • Հայտեր հայտարարության էջից. հաշվի ենք առնում այն, թե ինչ հաճախականությամբ են հյուրերն ամրագրման հայտ ուղարկում ձեր հայտարարությունը դիտելիս: Գտնում ենք, որ հաջող հայտարարություններն օգնում են հյուրերին կայացնել ամրագրման որոշում:

    Հասկանալ հայտարարությունները

    Ահա որոշ գործոններ, որոնք մեծապես կախված են տանտերերից․

    • Կարծիքներ․ որոնման վարկանիշը հաշվի է առնում ավարտված ուղևորությունների քանակը և հյուրերի թողած կարծիքներն ու գնահատականները: Թեև դրական կարծիքները կարևոր են որոնման արդյունքներում լավ դիրք ունենալու համար, սակայն քիչ թվով բացասական գնահատականները կամ կարծիք չստացած մի քանի հայտարարությունները չեն ազդի ձեր վարկանիշի վրա:
    • Գին․ կարծում ենք, հայտարարությունները համեմատելիս, գինը հյուրերի որոշման վրա ազդող ամենակարևոր գործոններից մեկն է: Ուստի, կարևոր է սահմանել ձեր շուկային համապատասխան մրցակցային գին :
    • Սուպերտանտեր․ թեև սուպերտանտեր անվանումը չի բարձրացնում վարկանիշը, այդուհանդերձ դա անում են այն գործոնները, որոնց հիման վրա ստանում եք Սուպերտանտիրոջ կարգավիճակը:
    • Նոր հայտարարություններ․ նոր տանտերերին հաջողությամբ կայանալու հնարավորություն տալու համար հետևում ենք, որ նոր հայտարարությունները լավ դիրք ունենան:

    Հյուրերի ամրագրման փորձառությունը

    Լավագույն միջոցը համոզվելու համար, որ հյուրերը շարունակում են օգտվել Airbnb-ից, նրանց դրական փորձառությունն ապահովելն է, ուստի՝ բարձրացնում ենք այն հայտարարությունների դիրքը, որոնց տանտերերը ունեն արագ արձագաքման պատմություն:

    • Պատասխանելու հաճախականությունը և ժամանակը․ 24 ժամվա ընթացքում հայտերին պատասխանելը կլավացնի ձեր վարկանիշը որոնման արդյունքներում:
    • Մերժումներ. ամրագրման հայտ պահանջող տանտերերի վարկանիշի ձևավորման համար կարևոր է ամրագրման հայտ ուղարկած և մերժված հյուրերի թիվը։ Երբեմն մերժումներն անխուսափելի են, ուստի որոնման վարկանիշի վրա ազդող այլ գործոնների նման՝ մեզ հետաքրքրում են շաբաթների և ամիսների միտումները, այլ ոչ թե մերժման առանձին դեպքերը:
    • Ակնթարթային ամրագրում․ Airbnb-ի հյուրերը գնահատում են արագ և հեշտ ամրագրումը և հակված են ամրագրելու այն հայտարարությունները, որոնք ունեն ակնթարթային ամրագրում: Որոնման նպատակն է՝ ցույց տալ այն հայտարարությունները, որոնք հյուրերն ամենայն հավանականությամբ կամրագրեն, ուստի ակնթարթային ամրագրմամբ հայտարարությունները ալգորիթմում առաջնային են դիտվում: Եվ համոզված եղեք, որ եթե ամրագրման հայտ պահանջող (կամ ոչ ակնթարթային ամրագրմամբ) հայտարարությունը լավ արդյունք է ցույց տալիս ամրագրման այլ գործոնների դեպքում, ապա կարող է լավ դրսևորել իրեն նաև որոնման վարկանիշում:

    Գտնվելու վայրը

    Որոնման վարկանիշով փորձ է արվում ցույց տալ այն հայտարարությունները, որոնց գտնվելու վայրը հյուրերին ամենաշատն է հետաքրքրում ամրագրելու համար: Պարզել ենք, որ սա օգնում է հյուրերին տարածք գտնել իրենց ուղևորությունների համար, ինչպես նաև ավելի շատ ամրագրումներ է ապահովում տանտերերի մեր համայնքի համար: Դրա համար հաշվի ենք առնում հյուրերի մեր համայնքից արված նախորդ ամրագրումները։ Երբ հյուրը որոնում է որոշակի քաղաք, մենք կարող ենք պարզել, թե որ տարածքը նա, ամենայն հավանականությամբ, կամրագրի:

    Տեսանելիությունը որոնման մեջ

    Թեև առանձնակիորեն չի ազդում որոնման վարկանիշի ձևավորման վրա, սակայն որոնման արդյունքներում բարձր դիրքը հասանելի և տեսանելի է ձեր շուկայում կատարվող որոնումների համար։ Ահա մի քանի գործոններ հիշելու համար.

    • Ակտիվացման ուշացում.նոր հայտարարությունը որոնման արդյունքներում տեսանելի է դառնում 6–24 ժամ անց, որպեսզի տանտերերն ունենան ժամանակ կարգավորումները կրկնակի ստուգելու համար:
    • Նվազագույն և առավելագույն գիշերներ. հայտարարությունը պետք է ունենա նվազագույն և առավելագույն գիշերների համապատասխան քանակ, որպեսզի երևա այն որոնման մեջ, որտեղ հյուրն ամսաթվեր է ընտրում։ Եթե տանտերն ուզում է, որ իր հայտարարությունը երևա առավելագույն թվով որոնումներում, խորհուրդ է տրվում հնարավորինս նվազեցնել նվազագույն գիշերների և ավելացնել առավելագույն գիշերների քանակը:
    • Երկարաժամկետ այցելություններ․ Airbnb-ի որոշ հյուրեր փնտրում են 28 օրից երկար տևողությամբ այցելություններ: Որպեսզի հայտարարությունը երևա այս որոնումներում, անհրաժեշտ է կիրառել ամսական զեղչ ձեր հիմնական գնին՝ հյուրերին ողջամիտ գին ներկայացնելու համար:

    Մենք մշտապես թարմացնում ենք մեր համակարգը, որպեսզի հարթակում տանտերերի և հյուրերի համար ապահովենք լավագույն արդյունքները, հետևաբար այս գործոնները կարող են ճշգրտվել և փորձարկվել:

    Ստացա՞ք ձեզ անհրաժեշտ օգնությունը։