Անցնել բովանդակությանը
    Անցեք առաջ՝ առաջարկվող արդյունքներին ծանոթանալու համար
    COVID-19-ին առնչվող նորություններ
    Չեղարկման և գումարի վերադարձի տարբերակները տեսնելու համար ընտրեք որևէ ամրագրում «Ուղևորություններ» էջից։ Հարգելի պատճառների կիրառման քաղաքականությունը գործում է միայն որոշակի ամրագրումների դեպքում։ Մենք նորություններ ենք տրամադրում յուրաքանչյուր ամսվա 1-ին և 15-ին։
    Ամրագրում և ուղևորություններ

    Ինչպե՞ս տարածք ամրագրեմ Airbnb-ում

    Երբ դուք Airbnb-ում տարածք եք ամրագրում, դուք պլանավորում եք օթևանել ինչ-որ մեկի տանը: Յուրաքանչյուր տանտեր ունի հյուրընկալման իր ուրույն ոճը` սկսած նրանից, թե ինչպես են նրանք ցանկանում ծանոթանալ իրենց հյուրերի հետ: Որոշ տանտերեր պահանջում են հաստատել ամրագրումները, մինչդեռ մյուսները թույլ են տալիս ձեզ անմիջապես ամրագրել իրենց տունը` առանց հաստատման սպասելու:

    1. Լրացրեք ձեր պրոֆիլը

    Ամեն դեպքում, կարևոր է իմանալ, որ Airbnb-ն համայնք է, որը հիմնվում է վստահության վրա։ Ամրագրման հայտ ուղարկելուց առաջ լրացրեք ձեր պրոֆիլը, որպեսզի տանտերը մի փոքր ձեզ ճանաչի նախքան հայտն ընդունելը։ Ձեր պրոֆիլը պետք է ներառի լուսանկարներ և հաստատումներ, հատկապես որովհետև որոշ տանտերեր պահանջում են հյուրերից ունենալ պրոֆիլի լուսանկար կամ Հաստատված պրոֆիլ ամրագրման համար:

    2. Գտեք ճիշտ վայրը

    Մենք ունենք ավելի քան 800 000 յուրօրինակ առաջարկ աշխարհի բոլոր անկյուններում, այնպես որ փորձեք գտնել այնպիսի տարածք, որն ունի ամենը, ինչ անհրաժեշտ է հարմարավետ և հիշարժան ճանապարհորդության համար:

    Երբ տուն եք որոնում, ներառեք ամսաթվերն ու հյուրերի թիվը` ճշգրիտ գինը տեսնելու համար: Յուրաքանչյուր հայտարարության համար կարդացեք կարծիքները, նկարագրությունները, տան կանոնները և հարմարությունները՝ համոզվելու, որ այն համապատասխանում է ձեր ուղևորության նպատակներին: Դուք միշտ կարող եք կապվել տանտիրոջ հետ եթե նրա տան վերաբերյալ որևէ հարց ունենաք:

    3. Ամրագրե՜ք:

    Դուք գտել եք լավագույն վայրը, և այժմ ժամանակն է ձևակերպել պատվերը։ Այս փուլում տանտիրոջ ամրագրման նախընտրելի ձևը կորոշի, թե ինչպես եք հաստատելու ձեր ամրագրումը:

    • Ակնթարթային ամրագրում

      Այն տանտերերի դեպքում, որոնք չեն ցանկանում հաստատել յուրաքանչյուր ամրագրումը, դուք կտեսնեք Ակնթարթային ամրագրում կոճակը: Անունն արդեն հուշում է, որ այդպիսի տարածքի ամրագրումը կարող եք անմիջապես հաստատել: Իմացեք ավելին Ակնթարթային ամրագրման մասին:

    • Ամրագրման հայտ

      Շատ տանտերեր նախընտրում են ինքնուրույն հաստատել ամրագրումները։ Այդպիսի դեպքերում հայտարարության էջում կտեսնեք Ամրագրման հայտ կոճակը։ Ամրագրման հայտ ներկայացնելու համար դուք պետք է մուտքագրեք ձեր վճարային տվյալները։ Տանտերն ունի 24 ժամ ձեր հայտը ընդունելու համար, և եթե այն ընդուվի, դուք ավտոմատ հաստատում կստանաք։ Իմացեք ավելին ամրագրման հայտ ներկայացնելու մասին:

    • Նախնական հաստատումներ և հատուկ առաջարկներ

      Եթե դուք որոշում եք նախքան ամրագրումը հարցեր հղել տանտիրոջը, ապա նա կարող է արձագանքել ձեր հաղորդագրությանը` հրավիրելով ձեզ ամրագրում կատարելու նախնական հաստատման կամ հատուկ առաջարկի միջոցով: Նախնական հաստատման միջոցով տանտերը հրավիրում է ձեզ ամրագրել տարածքն այն ամսաթվերին և հյուրերի այն թվի համար, որոնք դուք նշել եք հաղորդագրության մեջ։ Հատուկ առաջարկը տանտիրոջը տալիս է հնարավորություն տրամադրելու հատուկ գներ, ամսաթվեր և ամրագրման այլ մանրամասներ նախքան ամրագրելը: Իմացեք ավելին նախնական հաստատման և հատուկ առաջարկի միջոցով ամրագրման վերաբերյալ:

    Առնչվող հոդվածներ
    Ստացա՞ք ձեզ անհրաժեշտ օգնությունը։
    Չե՞ք գտնում այն, ինչ ձեզ հարկավոր է
    Տվյալ կատեգորիային հատուկ բովանդակություն գտեք Օգնության կենտրոնի այս մյուս բաժիններում։