Կանոններ

Ապրանքային նշանների օգտագործման ցուցումներ

Airbnb-ն մեծ պատասխանատվությամբ է ծառայում իր համայնքին, այդ թվում՝ հյուրընկալողներին, հյուրերին, գործընկերներին և այլոց, ովքեր օգտագործում կամ բացահայտում են մեր հարթակն ու ծառայությունները։ Համայնքին ծառայելը ներառում է մեր ապրանքային նշանների և ապրանքանիշի պաշտպանությունը։ Մենք չենք ուզում, որ մեր համայնքը կամ որևէ մեկը շփոթության մեջ ընկնի՝ մտածելով, թե ինչ-որ բան ենք աջակցում, վերահսկում կամ կառավարում։ Այս Ցուցումները նախատեսված են մեր ապրանքանիշը պաշտպանելու, ինչպես նաև Airbnb-ի մասին պատասխանատու կերպով տեղեկություններ տրամադրելու համար։

Այս Ցուցումները մեր Ծառայությունների մատուցման պայմանների մի մասն են։ Օգտվելով Airbnb-ի ծառայություններից որևէ մեկից՝ դուք ընդունում եք այս Ցուցումները, մեր Ծառայությունների մատուցման պայմանները և այլ կանոններ։

1. Airbnb-ի ապրանքային նշանները

Airbnb-ի ապրանքային նշանները ներառում են Airbnb անվանումը, Airbnb-ի պատկերանշանը, Bélo պատկերանշանը, սուպերտանտիրոջ նշանակը և Aircover-ը, ինչպես նաև բոլոր բառերը, կարգախոսները, պատկերակները, պատկերանշանները, գրաֆիկական պատկերները, դիզայնները և այլ ցուցիչներ, որոնք նույնականացնում են Airbnb-ն կամ նրա ծառայությունները կամ պրոդուկտները։ Մենք մեծ ջանքեր ենք գործադրել, որպեսզի այն ամենը, ինչ տրամադրում ենք ձեզ, լինի ամենաբարձր որակի, և մեր ապրանքանիշը ներկայացնում է այդ ջանքերը։ Ահա թե ինչու ենք բծախնդրորեն պաշտպանում մեր ապրանքանիշերը՝ ԱՄՆ-ում և ամբողջ աշխարհում գրանցելով մեր ապրանքային նշանները և դրանց արտաքին ձևավորումը։ Չի կարելի օգտագործել Airbnb-ի պատկերանշանը, Bélo պատկերանշանը և Airbnb-ի ցանկացած ապրանքային նշան կամ պատկերակ, եթե չունեք Airbnb-ի գրավոր թույլտվություն։

2. Airbnb անվանման օգտագործում

Չնայած չի կարելի առանց թույլտվության օգտագործել Airbnb-ի ապրանքային նշաններից որևէ մեկը, դուք կարող եք խոսել Airbnb-ի մասին կամ օգտագործել Airbnb անվանումը՝ ձեր առաջարկը փաստացիորեն նկարագրելու համար։ Հիշեք, որ պետք է հետևեք ստորև նշված ցուցումներին.

Մոտեցումը՝ փաստական և նկարագրական

Ինչ է կարելի անել

Կարելի է «Airbnb»-ն հիշատակել միայն այնպես, որ ազնվորեն և ճշգրտորեն նկարագրվի կապը Airbnb-ի կամ ձեր բովանդակության հետ
«Airbnb» օգտագործել միայն հիմնական տեքստում (ոչ թե, օրինակ, վերնագրերում և խորագրերում)՝ հիմնական տեքստի մնացած մասի չափերով, տառատեսակով, գույնով և ոճով

Ինչ չի կարելի անել

Չի կարելի Airbnb-ին հղում անել այնպես, որ դա ենթադրի գործընկերություն, հովանավորություն կամ աջակցություն։
Չի կարելի «Airbnb» բառն օգտագործել ավելի հաճախ, քան անհրաժեշտ է ձեր և Airbnb-ի հարաբերությունները նկարագրելու համար։ Եթե արտահայտությունը կամ նախադասությունը նույն իմաստն ունի առանց «Airbnb» բառի, հեռացրեք այդ բառը։

Օրինակներ

Փաստական և նկարագրական	Խնդրահարույց, ապակողմնորոշող
Մենք անշարժ գույքի կառավարման ընկերություն ենք, որն ունի առաջարկվող բազմաթիվ տարածքներ Airbnb-ում	Մենք Airbnb-ի կառավարման ընկերություն ենք
Մենք պրոֆեսիոնալ մաքրման ծառայություններ ենք մատուցում Airbnb-ում հրապարակված տների համար	Airbnb-ի պրոֆեսիոնալ մաքրման ծառայություններ
Մենք մասնագիտացած ենք Airbnb-ում հրապարակված տների սպասարկման մեջ	Airbnb-ի մասնագետներ
Իմ խորհուրդները Airbnb հյուրընկալող դառնալու վերաբերյալ	Սեմինար Airbnb հյուրընկալողների համար

Աշխատեք շփոթմունքի տեղիք չտալ

Ինչ է կարելի անել

Ստեղծել և օգտագործել անվանում, պատկերանշան և ապրանքանիշի նույնականացման միջոցներ, այդ թվում՝ գույն և տառատեսակ (կամ տառաշար), որոնք տարբերվում են Airbnb-ի ապրանքային նշաններից և ապրանքանիշի տարրերից

Ինչ չի կարելի անել

Չի կարելի որևէ կերպ օգտագործել Bélo պատկերանշանը, այդ թվում՝ առանձին կամ որևէ ընկերության անվանման, ապրանքային նշանի, սոցցանցային հաշվի անվանման կամ ընդհանրական նշանակման հետ միասին
Չի կարելի «Airbnb»,«Air», «bnb» կամ նմանատիպ արտահայտություններ օգտագործել ձեր կայքի անվանման, ընկերության անվանման, արտադրանքի անվանման, ապրանքային նշանների, դոմենների գրանցումների, սոցիալական ցանցերում օգտանունների, ապրանքանիշի ակտիվների մեջ և այլն։
Չի կարելի ձեր բովանդակության մեջ՝ ներառյալ ապրանքային նշանները, պատկերանշանները, դիզայնը կամ ապրանքանիշի այլ տարրեր, տեսանելի տեղում օգտագործել Airbnb-ի տարբերակիչ գույնը (Rausch)

Օրինակներ

Այո՜։	Ոչ…
Բոբի՝ վարձով տրվող լավագույն տունը կղզում	Airbnbike
Վարձով տրվող տարածքների մաքրման ծառայություններ Ռեդից	Sunbnb
Հանգիստ կղզում՝ Աննայի մոտ	Sun BnB
rentmyskihaus.com	Bikebandb կամ Bikeb&b
Հեծանիվների և տների վարձույթ	nicebnb.com
STR Management Co	airmansion

Անշարժ գույքի կառավարման ընկերությունների համար

Եթե ցանկանում եք գովազդել կարճաժամկետ վարձակալության կառավարմամբ զբաղվող ձեր ընկերությունը, ապա վերը նշված ցուցումները վերաբերում են նաև ձեզ։ Բացի այդ, հիշեք, որ չպետք է ներկայանաք որպես «Airbnb-ի կառավարման ընկերություն» կամ պնդեք, իբր «բացառիկ հարաբերություններ» ունեք Airbnb-ի հետ, ինչը, ամենայն հավանականությամբ, շփոթության մեջ կգցի օգտատերերին․ նրանք կկարծեն, թե դուք փոխկապակցված եք Airbnb-ի հետ։ Կարող եք նշել, որ կառավարում կամ սպասարկում եք Airbnb-ում հրապարակված տներ, բայց Airbnb-ն չպետք է լինի ձեր կայքի կամ այլ գովազդային նյութի կիզակետում։

Եթե ունեք կայք, ապա պետք է ձեր կայքում ներառեք աչքի ընկնող այսպիսի մի ձևակերպում. «[Ձեր ընկերության անվանումը] անկախ երրորդ կողմ է, որը լիազորված չէ Airbnb-ի կամ նրա հետ փոխկապակցված կազմակերպությունների կողմից և որևէ կապ չունի դրանց հետ»։ Եթե ձեր կայքում ունեք եկամուտների հաշվիչ, հետադարձ կապի ձև կամ օգտատերերի տվյալների այլ համախումբ, հրաժարագիրը ցուցադրեք «Գործողության դիմելու կոչ» կոճակի տակ՝ նկատելի տեղում։

Գործընկերների համար

Գործընկերները պետք է ունենան մեր ապրանքային նշաններն օգտագործելու գրավոր թույլտվություն։ Եթե դուք ունեք մեր ապրանքային նշաններն օգտագործելու թույլտվություն, ապա պետք է հետևեք ապրանքանիշների վերաբերյալ ամենավերջին ցուցումներին, որոնք տրամադրել է Airbnb-ի ձեր կոնտակտային անձը։ Նա կարող է պատասխանել այս կամ հավելյալ ցուցումների վերաբերյալ ցանկացած հարցի։

Այս հոդվածն օգնե՞ց

Առնչվող հոդվածներ

Օգնություն ստացեք ձեր ամրագրումների, հաշվի վերաբերյալ և այլ հարցերով։

Մուտք կամ գրանցում