Համայնքի քաղաքականությունը
Անօրինական և արգելված գործունեություններ
Անօրինական և արգելված գործունեություններ
Airbnb-ն թույլ չի տալիս անօրինական գործունեություններ և այլ վարք, որոնք կարող են վնասել մեր համայնքին։
Ինչ ենք թույլ տալիս
- Կանեփի տիրապետում և անձնական սպառում։ Այն վայրերում, որտեղ դա թույլատրված է օրենքով և չի խախտում տան կանոնները, չափահասները կարող են օգտագործել կանեփ։
- Կանեփի աճեցում։ Օրենքով թույլատրված և տեղանքի սահմաններում լինելու դեպքում հյուրընկալողը կարող է իր սեփականության տարածքում իրականացնել կանեփի աճեցում և մշակում, եթե հայտարարի այդ մասին։
Ինչը թույլ չենք տալիս
- Երեխաների սեռական շահագործում։ Անկախ տեղական օրենսդրությունից՝ արգելվում է 18 տարեկանից ցածր տարիքի որևէ անձի ստիպելը, սեփական շահերի համար խորամանկորեն օգտագործելը կամ գայթակղելը, որպեսզի նա ներգրավվի սեռական գործողություններում՝ լինի դա ֆիզիկական մասնակցությամբ, թե առցանց։ Իմանալ ավելին։
- Թրաֆիքինգ։ Չի թույլատրվում աշխատանքային կամ սեռական շահագործման նպատակով բռնությամբ, խարդախությամբ կամ հարկադրանքով վարձել, թաքցնել, փոխադրել, փոխանցել կամ ստանալ որևէ անհատի։ Իմանալ ավելին։
- Սեռական ծառայություններ՝ մատուցողի տարածքում։ Որևէ տուն, փորձառություն կամ շրջակայքում գտնվող սեփականություն չպետք է օգտագործվի վճարովի սեռական բնույթի ծառայությունների, օրինակ՝ էրոտիկ մերսումների կամ մարմնավաճառության համար։
- Սեռական ծառայությունների ստացում։ Հյուրերը չպետք է պահանջեն, իսկ հյուրընկալողները չպետք է գովազդեն կամ առաջարկեն վճարովի սեռական ծառայություններ։
- Կոմերցիոն պոռնկագրություն։ Որևէ տուն, փորձառություն կամ շրջակայքում գտնվող սեփականություն չպետք է օգտագործվի առևտրային պոռնկագրություն, լուսանկարներ կամ տեսանյութեր ստեղծելու համար։
- Արգելված թմրանյութեր։ Անօրինական կամ սահմանափակ օգտագործման թմրանյութեր, ինչպիսիք են ափիոնը, օպիատները, օփիոիդները, կոկան և կոկաինը, ամֆետամինի տիպի խթանիչները, կենտրոնական նյարդային համակարգի հանգստացուցիչները և ցնորածինները, չպետք է առկա լինեն կամ օգտագործվեն որևէ տան, փորձառության կամ շրջակայքում գտնվող սեփականության պայմաններում, եթե դրանք առողջական խնդրի պարագայում նշանակված չեն բժշկի կողմից։
- Թմրամիջոցների պատրաստում կամ արտադրում։ Որևէ տուն, փորձառություն կամ շրջակայքում գտնվող սեփականություն չպետք է օգտագործվի հումքից և (կամ) բույսերից անօրինական թմրանյութեր պատրաստելու կամ արտադրելու նպատակով։
- Թմրանյութային մշակաբույսերի աճեցում։ Որևէ տուն, փորձառություն կամ շրջակայքում գտնվող սեփականություն չպետք է օգտագործվի այնպիսի բույսեր բուծելու կամ աճեցնելու համար, որոնցից զտմամբ ստացվում են անօրինական թմրանյութեր՝ բացառությամբ կանեփի։
- Թմրանյութերի տարածում։ Որևէ տուն, փորձառություն կամ շրջակայքում գտնվող սեփականություն չպետք է օգտագործվի թմրանյութեր, այդ թվում՝ կանեփ, վաճառելու, նվիրելու, փոխադրելու կամ տարածելու նպատակով, նույնիսկ եթե դա անելը օրինական է ձեր տարածաշրջանում։
Մենք ձեզ կօգնենք
Եթե դուք կամ մեկ ուրիշը վտանգված կամ անապահով եք զգում կամ կարծում եք, որ իրականացվում է երեխաների սեռական շահագործում կամ թրաֆիքինգ, օգնության համար նախ դիմեք տեղական իրավապահ մարմիններին։ Բացի այդ, եթե ականատես եք լինում կամ հանդիպում եք այնպիսի վարքի, որը հակասում է մեր կանոններին, հայտնեք մեզ այդ մասին։
Թեպետ այս ուղեցույցները չեն ներառում բոլոր հնարավոր սցենարները, դրանք նախատեսված են Airbnb-ի համայնքի կանոնների վերաբերյալ ընդհանուր գաղափար կազմելու համար։
Այս հոդվածն օգնե՞ց
Առնչվող հոդվածներ
- Հյուր
Ինչպես օգնել կանգնեցնել թրաֆիքինգը
Airbnb-ն համագործակցում է Polaris-ի հետ՝ օգնելու մեր հյուրընկալողներին ավելի լավ հասկանալ, թե ինչ է թրաֆիքինգը, ճանաչել վտանգի նշանները և իմ… Բովանդակության նկատմամբ կիրառվող քաղաքականությունը և կորոնավիրուսը
Իմացեք ավելին Airbnb-ի՝ COVID-19-ին վերաբերող բովանդակության նկատմամբ կիրառվող քաղաքականության մասին։- Հյուր
Առողջության և անվտանգության վերաբերյալ պահանջներ Airbnb տների համար
Ձեր առողջությունն ու բարեկեցությունը կարևոր են մեզ համար։ Ծանոթացեք անվտանգության վերաբերյալ խորհուրդներին և ցուցումներին, որոնք կօգնեն պահպ…
Օգնություն ստացեք ձեր ամրագրումների, հաշվի վերաբերյալ և այլ հարցերով։
Մուտք կամ գրանցում