Ինչպես պաշտպանել անձնական տվյալները

Գաղտնիությունը խթանող միջավայր ստեղծելու համար ներկայացնում ենք մի քանի հիմնական կանոններ թույլատրվող և չթույլատրվող գործողությունների մասին։

Ինչ ենք թույլ տալիս

• Հյուրընկալողի մուտք․ այցի ընթացքում հյուրընկալողները կարող են մուտք գործել իրենց սեփականություն կամ մտնել համօգտագործվող տարածքի՝ հյուրի համար նախատեսված սենյակ, երբ հյուրը հյուրընկալողին թույլտվություն է տալիս, կամ երբ արտակարգ դրություն է լինում։

Ինչը թույլ չենք տալիս

• Ներխուժում․ հյուրընկալողներն ու հյուրերը չպետք է մուտք գործեն կամ փորձեն մուտք գործել մասնավոր տարածքներ, եթե չունեն թույլտվություն կամ չկա արտակարգ իրավիճակ։
• Տունն ամբողջությամբ վարձակալելու դեպքում սա վերաբերում է տարածքին և դրա գույքին։
• Տարածքի մի մասը վարձակալելու դեպքում սա վերաբերում է համօգտագործվող լոգասենյակներին, երբ մեկ այլ անձ ներսում է, ինչպես նաև այն տարածքներին, որտեղ հյուրերը առանձնության ողջամիտ ակնկալիք ունեն, օրինակ՝ ննջասենյակին կամ առանձին լոգասենյակին։
• Այլ մարդու անձնական ունեցվածքի օգտագործում․ հյուրընկալողներն ու հյուրերը չպետք է օգտագործեն ուրիշի անձնական ունեցվածքը, եթե նրանց չի տրվել դա անելու թույլտվություն։
• Մասնավոր տարածքի սահմանափակում․ հյուրընկալողները և հյուրերը չպետք է միջամտեն ուրիշի՝ անձնական տարածքից օգտվելու կարողությանը՝ իրականացնելով, օրինակ, մասնավոր կյանքին միջամտող գործողություններ, ինչպիսին լրտեսությունն է։
• Բովանդակության տարածում առանց համաձայնության․ համայնքի անդամների անձնական տեղեկությունները, լուսանկարներն ու տեսանյութերը չպետք է հրապարակվեն, եթե հրապարակման սուբյեկտը համաձայնություն չի տվել։

Անվտանգության տեսախցիկներ և տեսաձայնագրող սարքեր․ իմացեք ավելին անվտանգության տեսախցիկների և տեսաձայնագրող սարքերի նկատմամբ մեր մոտեցման մասին։