Ինչ է ակնկալվում հյուրընկալողներից և նրանց տներից

Յուրաքանչյուր հյուրընկալող պետք է համապատասխանի այս հիմնական ստանդարտներին՝ հյուրերին հարմարավետ և հուսալի այց ապահովելու համար։

Ինչը թույլ չենք տալիս

• Հյուրընկալում առանց թույլտվության և (կամ) համապատասխան լիցենզիաների։ Airbnb-ն պահանջում է, որ բոլոր հյուրընկալողները ունենան հյուրընկալելու թույլտվություն և պահպանեն բոլոր գործող օրենքների պահանջները։
• Անհուսալի հաղորդակցում։ Հյուրընկալողները պետք է պատասխանատու լինեն և պատրաստ լինեն ողջամիտ ժամկետում պատասխանել հյուրերից կամ Airbnb-ից ստացված հարցերին և հետևել Airbnb-ի տրամադրած անհրաժեշտ քայլերին՝ խնդիրները լուծելու համար։
• Ոչ ճշգրիտ հայտարարություններ։ Հյուրընկալողի սեփականությունը, գտնվելու վայրը, տարածքի տեսակը, գաղտնիության մակարդակը և հարմարությունները պետք է ճշգրտորեն արտացոլեն ամրագրման պահին տարածքի նկարագրության մեջ գրվածը։ Ընդունված ամրագրման մանրամասները հյուրընկալողները կարող են ճշգրտել միայն հյուրի համաձայնությունից հետո։
• Ոչ ապահով այցեր.։Հյուրընկալողները պետք է հավաստիանան, որ տարածքի շքամուտքն ապահով փակվում է, իսկ մուտքի բոլոր հիմնական կետերի համար պետք է տրամադրվեն բանալիներ կամ մուտքի կոդեր։
• Ոչ հուսալի ժամանումներ։ Հյուրընկալողները պետք է հյուրերին տրամադրեն ճիշտ տեղեկություններ՝ ժամանելիս տարածք մուտք գործելու համար (օրինակ՝ մուտքի ճիշտ կոդեր, հստակ ուղղություններ)։ Այն հյուրընկալողները, որոնք պլանավորում են հյուրերին դիմավորել ժամանման պահին, պետք է ներկայանան պայմանավորված ժամին։ Մինի-սեյֆերի կամ մուտքի կոդերի օգտագործումը պետք է պաշտպանված լինի (օր.՝ ամրագրումների միջև փոխեք կոդերը)։
• Կեղտոտ տարածքներ։ Հյուրընկալողի սեփականությունը պետք է զերծ լինի առողջությանը սպառնացող հայտնի վտանգներից (օրինակ՝ բորբոս, միջատներ, վնասատուներ), համապատասխանի մաքրության բարձր չափանիշի և մաքրվի այցերի միջև։
• Ոչ անվտանգ այցեր։ Հյուրընկալողները պետք է ապահովեն, որ այցերը կամ փորձառությունները զերծ լինեն անվտանգությանը սպառնացող չբացահայտված վտանգներից (օրինակ՝ հրդեհի արգելափակված ելքեր, էլեկտրահարման վտանգներ, առնետի թույն)։ Հյուրընկալողները պետք է վերացնեն բոլոր այն վտանգները, որոնց մասին բարձրաձայնում է հյուրը կամ Airbnb-ն։
• Վերավաճառք։ Չի թույլատրվում երրորդ կողմի միջոցով հյուրանոց կամ երրորդ կողմին պատկանող բնակարան ամրագրել և դրանք ուռճացված գներով հրապարակել Airbnb-ում։ Հյուրընկալողները պետք է հաշվի առնեն թայմշերների կամ նմանատիպ կացավայրերի համար սահմանված հատուկ կանոնները, երբ որոշում են՝ հրապարակել կամ չհրապարակել հայտարարություն Airbnb-ում։
• Կենդանիների շահագործում։ Կենդանիների շահագործմամբ իրականացվող այցերը կամ փորձառությունները տեղ չունեն մեր համայնքում (օրինակ՝ ճամփեզրի կենդանաբանական այգիներ, մրցանակներ նախատեսող որսորդական փորձառություններ)։ Հյուրընկալողները պետք է համապատասխանեն Airbnb-ի՝ կենդանիների բարեկեցությանն առնչվող ուղեցույցներին։

Իմացեք ավելին հյուրընկալողների համար սահմանված հիմնական կանոնների մասին։

Մենք ձեզ կօգնենք

Եթե ականատես եք լինում կամ առնչվում եք այնպիսի վարքի, որը հակասում է մեր կանոններին, հայտնեք մեզ այդ մասին։