Ինչպես ընդունել հատուկ կարիքներով հյուրերի

Մենք ընդունում և աջակցում ենք հատուկ կարիքներով մարդկանց։ Մեր համայնքի այս անդամները պետք է կարողանան վստահ լինել, որ իրենց հյուրընկալողները հասանելիության հետ կապված հարմարությունների վերաբերյալ ճշգրիտ տեղեկություններ կտրամադրեն։

Ինչ ենք թույլ տալիս

• Ուղեկցող կենդանիների դեպքում առողջության կամ անվտանգության համար արվող բացառություններ․ Եթե հյուրընկալողը չի կարող ընդունել ուղեկցող կենդանիների, քանի որ կենդանին ուղղակիորեն վտանգ կներկայացնի իր տան մշտական բնակչի առողջության և անվտանգության համար, ապա հնարավոր է, որ տվյալ հյուրընկալողի դեպքում բացառություն արվի, եթե նա սկզբնապես զգուշացնի մեզ այդ մասին։
• Ուղեկցող կենդանիներին հեռացնելու հայտեր այն դեպքում, եթե տերը չի վերահսկում նրանց․ Եթե հյուրի ուղեկցող կենդանին չի վերահսկվում, հյուրընկալողը կարող է պահանջել կենդանու հեռացում։ Օրինակ, եթե կենդանին այցի ընթացքում մնում է առանց հսկողության։

Ինչը թույլ չենք տալիս

• Ամրագրման մերժում հյուրի հատուկ կարիքների պատճառով․ Հաստատված բացառության բացակայության պարագայում հյուրընկալողները չեն կարող մերժել, չեղարկել կամ այլ կերպ փոխել ամրագրումն այն պատճառով, որ հյուրն ունի ուղեկցող կենդանի կամ օժանդակ սարք։
• Վճարների ավելացում հյուրի հատուկ կարիքների պատճառով․ Հյուրընկալողներն իրավունք չունեն լրացուցիչ վճար գանձելու ուղեկցող կենդանիների կամ օժանդակ սարքերի համար։ Աչքի անցկացրեք մեր Հասանելիության վերաբերյալ քաղաքականությանը և հասկացեք, թե ինչու են ուղեկցող կենդանիները տարբերվում տնային և հուզական աջակցություն տրամադրող կենդանիներից։
• Հատուկ կարիքները բավարարելու համար հյուրերի ողջամիտ խնդրանքների մերժում։ Հյուրընկալողները պետք է ընդառաջեն հատուկ կարիքների հարմարությունների ողջամիտ խնդրանքներին։ Ողջամիտ է, օրինակ, հյուրընկալողին խնդրել, որ նա բազմոցը տեղափոխի դռնից մի փոքր հեռու, որպեսզի անվասայլակով հյուրը կարողանա հարմարավետորեն մուտք գործել հյուրասենյակ (եթե բազմոցը տեղաշարժելու տեղ կա, և հյուրընկալողն ի վիճակի է տեղաշարժել բազմոցը)։ Սակայն ողջամիտ չէ խնդրել հյուրընկալողին ընդարձակել իր տան դռները, որպեսզի անվասայլակը կարողանա անցնել դրանց միջով։
• Անհավասար վերաբերմունք։ Հաստատված բացառության բացակայության դեպքում հյուրընկալողները պետք է միևնույն վերաբերմունքը, կանոնները և վարքը դրսևորեն բոլոր հյուրերի նկատմամբ՝ անկախ հատուկ կարիքների առկայությունից։
• Նսեմացուցիչ խոսելաձև․ Ոչ ոք, լինի դա հյուրը, թե հյուրընկալողը, չպետք է արժանանա վիրավորական խոսելաձևի իր հաշմանդամության պատճառով, այդ թվում՝ չպետք է նսեմացվի այն ծառայությունը, որը մատուցում է նրա ուղեկցող կենդանին կամ օժանդակ սարքը, կամ օգտագործվի այլ խտրական բառապաշար։
• Հատուկ կարիքներով անձանց համար հարմարությունների սխալ ներկայացում։ Հայտարարությունները պետք է ճշգրիտ տեղեկություններ ներառեն տարածքում և հարակից սեփականությունում հատուկ կարիքներով անձանց համար առկա հարմարությունների մասին։ Հյուրընկալողները պետք է ազնիվ լինեն և հասանելիության հետ կապված մանրամասները նամակագրության շրջանակներում քննարկեն հատուկ կարիքներ ունեցող ցանկացած հյուրի հետ։

Մենք ձեզ կօգնենք

Եթե ականատես եք լինում կամ առնչվում եք այնպիսի վարքի, որը հակասում է մեր կանոններին, հայտնեք մեզ այդ մասին։