Ինչպես լինել լավ հարևան

Պետք է հարգալից լինել ոչ միայն Airbnb համայնքի, այլև՝ մեզ շրջապատողների նկատմամբ։ Այդ հարգանքը նշանակում է խուսափել անհանգստություն պատճառող հավաքույթներից, աղմուկից կամ անդորրը խանգարող այլ վարքից ու գործողություններից՝ հարևաններին չանհանգստացնելու համար։

Ինչ ենք թույլ տալիս

• Հյուրընկալողների կողմից մշակված կանոններ։ Հյուրընկալողներին խրախուսում ենք տան կանոններում, տարածքի նկարագրություններում և Airbnb-ի միջոցով վարած նամակագրություններում հստակ բացատրել, թե ինչ են իրենք ակնկալում իրենց հյուրերից։ Airbnb-ն սահմանում է նվազագույն ստանդարտներ, բայց հյուրընկալողներին խորհուրդ է տրվում ներառել լրացուցիչ տեղեկություններ կամ իրենց թաղամասին հարմարեցված ուղեցույցներ։
• Պրոֆեսիոնալ հյուրընկալման միջոցառումներ։ Միայն պրոֆեսիոնալ հյուրանոցային բիզնեսները, օրինակ՝ հյուրանոցները կամ B&B-ները կարող են խոշոր միջոցառումներ առաջարկել՝ պայմանով, որ դրանք չխանգարեն շրջակա համայնքին կամ այլ կերպ անհանգստություն չպատճառեն այլոց։

Ինչը թույլ չենք տալիս

• Անհանգստություն պատճառող հավաքույթներ։ Շրջակա համայնքի անվտանգությանը սպառնացող կամ շրջապատին անհանգստացնող հավաքույթներ չեն թույլատրվում՝ անկախ մասնակիցների թվից։ Իմացեք ավելին հասարակական կարգի խախտման վերաբերյալ մեր կանոնների մասին՝ ներառյալ անհանգստություն պատճառող երեկույթների և միջոցառումների արգելման կանոնները։
• «Երեկույթների համար նախատեսված տուն» հայտարարություններ։ Բացառությամբ հյուրանոցային բիզնեսի պրոֆեսիոնալների՝ հյուրընկալողները չպետք է տարածքի նկարագրությունում կամ այլ տեղեկություններում խրախուսեն կամ այլ կերպ թույլատրեն անհանգստություն պատճառող հավաքույթներ, երեկույթներ կամ միջոցառումներ։
• Համայնքին պատճառվող անհանգստություններ։ Չեն թույլատրվում անհանգստացնող վարքագիծն ու գործողությունները, այդ թվում՝ հարևանների մոտ չափազանց շատ ծխելը կամ ծխելն այն վայրերում, որտեղ դա արգելված է, չարտոնված վայրերում աղբ թափելը, ավելորդ աղմուկը կամ հարևանի մուտքը դեպի իր տուն խոչընդոտելը։

Մենք ձեզ կօգնենք

Եթե դուք կամ մեկ ուրիշը վտանգված կամ անապահով եք զգում, օգնության համար նախ դիմեք տեղական իրավապահ մարմիններին։ Բացի այդ, եթե ականատես եք լինում կամ առնչվում եք այնպիսի վարքի, որը հակասում է մեր կանոններին, խնդրում ենք այդ մասին տեղեկացնել մեզ։