Անցեք առաջ՝ առաջարկվող արդյունքներին ծանոթանալու համար

    Առողջության և անվտանգության վերաբերյալ պահանջներ Airbnb տների համար

    COVID-19-ի համավարակի ժամանակ կարևոր է հիշել առողջության ու անվտանգության մասին։ Մենք Airbnb-ի հյուրընկալողների և հյուրերի համար ստեղծել ենք COVID-19-ին առնչվող անվտանգության պարտադիր կանոններ՝ հիմնվելով Առողջապահության համաշխարհային կազմակերպության և ԱՄՆ Հիվանդությունների վերահսկման և կանխարգելման կենտրոնների ցուցումների վրա։ Բացի այդ, դուք պետք է COVID-19-ով պայմանավորված անվտանգության ապահովման համար ծանոթ լինեք առողջության և անվտանգության վերաբերյալ ընդհանուր ցուցումներին, շարունակեք տեղեկանալ կառավարության կողմից սահմանված կիրառելի ճամփորդական սահմանափակումներին ու նախազգուշացումներին և հետևեք բոլոր պետական ու տեղական կանոններին։

    Airbnb-ն ներկայացրել է ուղեցույցներ և ծրագրեր, որոնք կօգնեն մեղմել առողջությանն ու անվտանգությանն առնչվող մտահոգությունները, սակայն այդ միջոցները չեն կարող վերացնել բոլոր ռիսկերը։ Հատկապես եթե գտնվում եք բարձր ռիսկային խմբի մեջ (օրինակ՝ 65 տարեկանից մեծ եք կամ ունեք առողջական խնդիրներ, ասենք՝ շաքարախտ կամ սրտի հիվանդություն), խորհուրդ ենք տալիս Airbnb-ի միջոցով այց կամ փորձառություն ամրագրելիս ստանալ մասնագիտական ցուցումներ և ձեռնարկել լրացուցիչ նախազգուշական միջոցներ։ Իմացեք ավելին Airbnb փորձառությունների հյուրընկալողների և հյուրերի առողջության և անվտանգության վերաբերյալ ցուցումների մասին

    COVID-19-ին առնչվող անվտանգության կանոններ (պարտադիր)

    Կրեք դիմակ և պահպանեք սոցիալական հեռավորություն, եթե դա պահանջվում է տեղական օրենքներով և ուղեցույցներով

    Եթե դա պահանջվում է տեղական օրենքներով կամ ուղեցույցներով, բոլոր հյուրընկալողներն ու հյուրերը պետք է համաձայնեն հետևյալին.

    • դիմակ կամ դիմավահան կրել անձամբ շփվելիս
    • մշտապես պահպանել 6 ֆուտ (2 մետր) հեռավորություն

    յուրաքանչյուր այցից հետո հետևել Airbnb-ի 5 փուլանի մանրազնին մաքրման գործընթացին

    Բոլոր հյուրընկալողներն ու հյուրերը պետք է հյուրերի այցերի միջև ըստ անհրաժեշտության պահպանեն COVID-19-ին առնչվող վերոնշյալ անվտանգության կանոնները՝ ներառյալ Airbnb-ի 5 փուլանի մանրազնին մաքրման գործընթացը։ Այս կանոնները չընդունած հյուրընկալողների օրացույցները կարող են արգելափակվել։ Այս ցուցումները բազմիցս անտեսող ցանկացած հյուրընկալողի կամ հյուրի համար կարող են լինել այլ հետևանքներ՝ ներառյալ հաշվի ժամանակավոր կասեցումը կամ համայնքից հեռացումը։

    Լրացուցիչ ցուցումներ COVID-19-ի ընթացքում ճանապարհորդելու և հյուրընկալելու վերաբերյալ

    Մի ճանապարհորդեք կամ հյուրընկալեք, եթե վերջերս շփվել եք COVID-19-ով վարակվածի հետ կամ ունեք ախտանիշներ

    Airbnb-ն մեր համայնքի առողջությունն ու անվտանգությունը պաշտպանելու համար վարում է հետևյալ քաղաքականությունը. հյուրընկալողները (և բոլոր այն մարդիկ, որոնք կարող են ներկա գտնվել տարածքում այցից առաջ կամ դրա ընթացքում) չպետք է մուտք գործեն իրենց տարածք (տարածքներ) կամ շփվեն իրենց հյուրերի հետ, իսկ հյուրերը չպետք է ժամանեն, եթե ստորև նշվածներից որևէ մեկը ճշմարիտ է.

    • Վերջին 30 օրվա ընթացքում վարակված եք եղել ակտիվ COVID-19-ով, կամ թեստի պատասխանը դրական է եղել
    • Դուք կասկածում եք, որ հիվանդ եք, կամ շփվել եք COVID-19-ով վարակվածի հետ և սպասում եք թեստի արդյունքների՝ COVID-19-ով վարակված լինելու ախտորոշումը հաստատելու կամ հերքելու համար
    • Դուք ունեք ախտանիշներ կամ COVID-19-ով վարակված լինելու մտավախություն
    • Վերջին 14 օրվա ընթացքում սերտ և կայուն շփում եք ունեցել որևէ անհատի հետ, որի մոտ հաստատվել կամ կասկածվում է COVID-19-ով վարակվածություն*

    Հիվանդության կամ COVID-19-ով վարակվածի հետ շփված լինելու դեպքում լրացուցիչ մանրամասների համար աչքի անցկացրեք հետևյալ փաստաթղթերը՝

    *Խնդրում ենք նկատի ունենալ, որ առաջնագծում պայքարողների համար տրամադրվող կացարանները ենթակա են այլ կանոնների։

    Պարբերաբար լվացեք ձեռքերը

    Հաճախակի լվացեք ձեռքերը, հատկապես եթե շփվում եք ձեր ամրագրման մեջ չնշված կողմնակի անձանց հետ և ընդհանուր օգտագործման տարածքում դիպչում եք մակերևույթների և պարագաների։

    • Առնվազն 20 վայրկյան օճառով և ջրով մանրամասնորեն լվացեք ձեռքերը
    • Օճառի և ջրի բացակայության դեպքում օգտվեք ձեռքի՝ առնվազն 60% ալկոհոլ պարունակող ախտահանիչից. ծածկեք ձեռքերն այդ հեղուկով և շփեք այնքան, մինչև չորանան

      Հետևեք ընդհանուր և համօգտագործվող տարածքներում դիմակ կրելու և սոցիալական հեռավորություն պահպանելու վերաբերյալ ձեր տեղական օրենքներին կամ ուղեցույցներին

      Երբ ընդհանուր օգտագործման տարածքում լինեք (որպես հյուրընկալող կամ հյուր), հետևեք դիմակ կրելու և ամրագրման մեջ չներառված անձանցից սոցիալական հեռավորություն պահպանելու վերաբերյալ ձեր տեղական օրենքներին և ուղեցույցներին։ Հյուրընկալողները պետք է հնարավորության դեպքում տրամադրեն անշփում ժամանման տարբերակ։

      Եթե անհարմարություն եք զգում առանձին սենյակում կամ համօգտագործվող տարածքում մնալիս, փոխարենը ամրագրեք ամբողջ տարածքը։ Եթե անհարմար եք զգում առանձին սենյակում կամ համօգտագործվող տարածքում հյուրընկալելիս, կարող եք առաջարկել ձեր ամբողջ տարածքը կամ, եթե դա հնարավոր չէ, դադարեցնել հյուրընկալումը։

      Հյուրընկալողները պետք է նաև հետևեն առանձին սենյակներում, համօգտագործվող տարածքներում հյուրընկալման և տարածքը զբաղեցնողների ընդհանուր թվի վերաբերյալ տեղական ցուցումներին։

      Նշում․ 2020 թ. օգոստոսի 20-ից Airbnb-ն ամբողջ աշխարհով մեկ արգելել է բոլոր երեկույթների և միջոցառումների անցկացումը Airbnb տարածքներում և մտցրել է զբաղվածության առավելագույն թույլատրելի քանակ՝ 16 անձ։ Երեկույթների արգելքը վերաբերում է Airbnb-ում հետագա բոլոր ամրագրումներին և ուժի մեջ կմնա անորոշ ժամանակով՝ մինչև հետագա ծանուցումը։ Լրացուցիչ տեղեկությունների համար կարդացեք մեր Երեկույթների և միջոցառումների քաղաքականությունը։

      Լրացուցիչ ցուցումներ առանձին սենյակներում և համօգտագործվող տարածքներում հյուրընկալողների համար

      Առանձին սենյակներում կամ համօգտագործվող տարածքներում հյուրընկալողները պետք է նաև՝

      • ըստ անհրաժեշտության սահմանափակեն հյուրերի թիվը, որպեսզի ապահովեն սոցիալական հեռավորության պահպանումը բոլոր ընդհանուր տարածքներում, եթե դա պահանջվում է տեղական օրենքներով կամ ուղեցույցներով
      • այցի ընթացքում օդափոխեն ընդհանուր տարածքները, երբ դա ապահով և հուսալի լինի, ինչպես նշված է մաքրման ուղեցույցում
      • հնարավորինս հաճախ մաքրեն և մանրէազերծեն ընդհանուր տարածքները (օրինակ՝ լոգասենյակները և խոհանոցները)

      Որոշ կառավարություններ կարող են սահմանափակումներ կիրառել առանձին սենյակներում և համօգտագործվող տարածքներում հյուրընկալելու նկատմամբ կամ կարող են այդ տարածքների համար լրացուցիչ պարտավորություններ կամ պահանջներ պարտադրել։ Ուսումնասիրեք ձեր տեղական իշխանությունների և առողջապահական մարմինների հրապարակած անվտանգության և մաքրման վերաբերյալ լրացուցիչ ցուցումները և հետևեք դրանց։

      Ինչ անել, եթե ձեր այցի ընթացքում կամ դրանից հետո COVID-19-ի թեստի պատասխանը դրական լինի

      Եթե վերջերս COVID-19-ի թեստի դրական պատասխան եք ստացել կամ ձեզ մոտ COVID-19-ի որևէ ախտանիշ եք նկատել, այդ մասին տեղեկացրեք հավանաբար վարակված կամ վիրուսի ազդեցությանը ենթարկված բոլոր անձանց, ինչպես նաև՝ համապատասխան տեղական իշխանություններին։

      Ստացա՞ք ձեզ անհրաժեշտ օգնությունը։