Անցնել բովանդակությանը
    Անցեք առաջ՝ առաջարկվող արդյունքներին ծանոթանալու համար
    Հիմնական տեղեկություններ Airbnb-ի մասին

    Առողջության և անվտանգության վերաբերյալ ի՞նչ պահանջներ կան Airbnb այցերի համար

    COVID-19-ի համավարակի ժամանակ կարևոր է հիշել առողջության ու անվտանգության մասին։ Մենք Airbnb-ի հյուրընկալողների և հյուրերի համար ստեղծել ենք COVID-19-ին առնչվող անվտանգության պարտադիր կանոններ՝ հիմնվելով Առողջապահության համաշխարհային կազմակերպության և ԱՄՆ Հիվանդությունների վերահսկման և կանխարգելման կենտրոնների ցուցումների վրա։ Բացի այդ, դուք պետք է COVID-19-ով պայմանավորված անվտանգության ապահովման համար ծանոթ լինեք առողջության և անվտանգության վերաբերյալ ընդհանուր ցուցումներին, շարունակեք տեղեկանալ կառավարության կողմից սահմանված կիրառելի ճամփորդական սահմանափակումներին ու նախազգուշացումներին և հետևեք բոլոր ազգային ու տեղական կանոններին։

    Airbnb-ն ներկայացրել է ուղեցույցներ և ծրագրեր, որոնք կօգնեն մեղմել առողջությանն ու անվտանգությանն առնչվող մտահոգությունները, սակայն այդ միջոցները չեն կարող վերացնել բոլոր ռիսկերը։ Հատկապես եթե գտնվում եք բարձր ռիսկային խմբի մեջ (օրինակ՝ 65 տարեկանից մեծ եք կամ ունեք առողջական խնդիրներ, ասենք՝ շաքարախտ կամ սրտի հիվանդություն), խորհուրդ ենք տալիս Airbnb-ի միջոցով այց կամ փորձառություն ամրագրելիս ստանալ մասնագիտական ցուցումներ և ձեռնարկել լրացուցիչ նախազգուշական միջոցներ։ Իմացեք ավելին Airbnb փորձառությունների համար առողջության և անվտանգության վերաբերյալ ցուցումների մասին։

    COVID-19-ին առնչվող անվտանգության կանոններ (պարտադիր)

    Կրեք դիմակ և պահպանեք սոցիալական հեռավորություն

    Բոլոր հյուրընկալողներն ու հյուրերը պետք է համաձայնեն՝

    • դիմակ կրել անձամբ շփվելիս
    • մշտապես պահպանել 6 ֆուտ (2 մետր) հեռավորություն

    այցից այց հետևել Airbnb-ի մանրազնին մաքրման ուղեցույցի 5 փուլանի գործընթացին

    Բոլոր հյուրընկալողները պետք է համաձայնեն հյուրերի այցերի միջև հետևել Airbnb-ի մանրազնին մաքրման ուղեցույցի հինգ փուլանի գործընթացին։ Իմանալ ավելին

    Բոլոր հյուրընկալողներն ու հյուրերը պետք է ըստ անհրաժեշտության պահպանեն COVID-19-ին առնչվող վերոնշյալ անվտանգության կանոնները։ Եթե հյուր եք, դուք չեք համապատասխանի գումարի վերադարձի վերաբերյալ պահանջներին, եթե հյուրընկալողը չեղարկի ձեր ամրագրումն այն պատճառով, որ չեք պահպանել այս կանոնները։ Նմանապես, եթե հյուրընկալող եք, դուք չեք համապատասխանի վերջնավճար ստանալու պահանջներին, եթե հյուրը չեղարկի իր այցն այն պատճառով, որ չեք հետևել այս կանոններին։ Մինչև 2020 թ. նոյեմբերի 20-ը այս կանոնները չընդունած հյուրընկալողների օրացույցները կարող են արգելափակվել։ Այս ցուցումները բազմիցս ոտնահարող ցանկացած հյուրընկալողի կամ հյուրի համար կարող են լինել այլ հետևանքներ՝ ներառյալ հաշվի ժամանակավոր կասեցումը կամ համայնքից հեռացումը։

    Լրացուցիչ ցուցումներ COVID-19-ի ժամանակ ճանապարհորդելու կամ հյուրընկալելու վերաբերյալ

    Մի հյուրընկալեք կամ ճանապարհորդեք, եթե շփվել եք COVID-19-ով վարակվածի հետ կամ ունեք արտահայտված ախտանիշներ

    Airbnb-ն մեր համայնքի առողջությունն ու անվտանգությունը պաշտպանելու համար վարում է հետևյալ քաղաքականությունը. հյուրընկալողները (և բոլոր այն մարդիկ, որոնք կարող են ներկա գտնվել տարածքում այցից առաջ կամ դրա ընթացքում) չպետք է մուտք գործեն իրենց տարածք (տարածքներ) կամ շփվեն իրենց հյուրերի հետ, իսկ հյուրերը չպետք է ժամանեն, եթե ստորև նշվածներից որևէ մեկը ճշմարիտ է.

    • Վերջին 30 օրվա ընթացքում ակտիվորեն վարակված եք COVID-19-ով, կամ թեստի պատասխանը դրական է
    • Դուք կասկածում եք, որ հիվանդ եք, կամ շփվել եք COVID-19-ով վարակվածի հետ և սպասում եք թեստի արդյունքների՝ COVID-19-ով վարակված լինելու ախտորոշումը հաստատելու կամ հերքելու համար
    • Դուք ունեք ախտանիշներ կամ COVID-19-ով վարակված լինելու մտավախություն
    • Վերջին 14 օրվա ընթացքում սերտ և կայուն շփում եք ունեցել որևէ անհատի հետ, որի մոտ հաստատվել կամ կասկածվում է COVID-19-ով վարակվածություն*

    Հիվանդության կամ COVID-19-ով վարակվածի հետ շփված լինելու դեպքում լրացուցիչ մանրամասների համար աչքի անցկացրեք հետևյալ փաստաթղթերը՝

    *Խնդրում ենք նկատի ունենալ, որ առաջնագծում պայքարողների համար տրամադրվող կացարանները ենթակա են այլ կանոնների։

    Պարբերաբար լվացեք ձեռքերը

    Հաճախակի լվացեք ձեռքերը, հատկապես եթե շփվում եք ձեր ամրագրման մեջ չնշված կողմնակի անձանց հետ և ընդհանուր օգտագործման տարածքում դիպչում եք մակերևույթների և պարագաների։

    • Առնվազն 20 վայրկյան օճառով և ջրով մանրամասնորեն լվացեք ձեռքերը
    • Օճառի և ջրի բացակայության դեպքում օգտվեք ձեռքի՝ առնվազն 60% ալկոհոլ պարունակող ախտահանիչից. ծածկեք ձեռքերն այդ հեղուկով և շփեք այնքան, մինչև չորանան

      Հեռավորություն պահպանեք և դիմակ կրեք ընդհանուր և համօգտագործվող տարածքներում

      Ընդհանուր կամ համօգտագործվող տարածքում գտնվելիս (որպես հյուրընկալող կամ հյուր) միշտ դիմակ կրեք և հեռավորություն պահպանեք բոլոր այն անձանցից, որոնք ներառված չեն ձեր ամրագրման մեջ՝ համաձայն COVID-19-ին առնչվող անվտանգության կանոնների (առնվազն 6 ֆուտ կամ 2 մետր)։ Հյուրընկալողները պետք է խուսափեն հյուրերի հետ ֆիզիկական շփումից և հնարավորության դեպքում տրամադրեն անշփում ժամանման հնարավորություն։

      Եթե անհարմարություն եք զգում առանձին սենյակում կամ համօգտագործվող տարածքում մնալիս, փոխարենը ամբողջ տուն ամրագրեք։ Եթե անհարմար եք զգում առանձին սենյակում կամ համօգտագործվող տարածքում հյուրընկալելիս, կարող եք առաջարկել ձեր ամբողջ տարածքը կամ, եթե դա հնարավոր չէ, դադարեցնել հյուրընկալումը։

      Հյուրընկալողները պետք է նաև հետևեն առանձին սենյակներում, համօգտագործվող տարածքներում հյուրընկալման և տարածքը զբաղեցնողների ընդհանուր թվի վերաբերյալ տեղական ցուցումներին։

      Նշում․ 2020 թ. օգոստոսի 20-ից Airbnb-ն ամբողջ աշխարհով մեկ արգելել է բոլոր երեկույթների և միջոցառումների անցկացումը Airbnb տարածքներում և մտցրել է զբաղվածության առավելագույն թույլատրելի քանակ՝ 16 անձ։ Երեկույթների արգելքը վերաբերում է Airbnb-ում հետագա բոլոր ամրագրումներին և ուժի մեջ կմնա անորոշ ժամանակով՝ մինչև հետագա ծանուցումը։ Լրացուցիչ տեղեկությունների համար կարդացեք մեր Երեկույթների և միջոցառումների քաղաքականությունը։

      Լրացուցիչ ցուցումներ առանձին սենյակներում և համօգտագործվող տարածքներում հյուրընկալողների համար

      Առանձին սենյակներում կամ համօգտագործվող տարածքներում հյուրընկալողները պետք է նաև՝

      • սահմանափակեն հյուրերի թիվը, որպեսզի ապահովեն սոցիալական հեռավորության պահպանումը բոլոր ընդհանուր տարածքներում․
      • սահմանափակեն հյուրերին հասանելի տարածքների քանակը՝ խուսափելու վարակման ավելորդ ռիսկից․
      • այցի ընթացքում օդափոխեն ընդհանուր տարածքները, երբ դա ապահով և հուսալի լինի, ինչպես նշված է մաքրման ուղեցույցում․
      • հնարավորինս հաճախ մաքրեն և մանրէազերծեն ընդհանուր տարածքները (օրինակ՝ լոգասենյակները և խոհանոցները)։

      Որոշ կառավարություններ կարող են սահմանափակումներ կիրառել առանձին սենյակներում և համօգտագործվող տարածքներում հյուրընկալելու նկատմամբ կամ կարող են այդ տարածքների համար լրացուցիչ պարտավորություններ կամ պահանջներ պարտադրել։ Ուսումնասիրեք ձեր տեղական իշխանությունների և առողջապահական մարմինների հրապարակած անվտանգության և մաքրման վերաբերյալ լրացուցիչ ցուցումները և հետևեք դրանց։

      Ինչ անել, եթե ձեր այցի ընթացքում կամ դրանից հետո թեստը հաստատի COVID-19-ով վարակված լինելը

      Եթե COVID-19-ի թեստի դրական պատասխան եք ստացել կամ ձեզ մոտ COVID-19-ի որևէ ախտանիշ եք նկատել և վերջերս ինչ-որ տարածքում մնացել եք կամ որպես հյուրընկալող շփվել եք հյուրերի հետ, դիմեք մեզ։ Պետք է նաև տեղյակ պահեք համապատասխան տեղական իշխանություններին և ձեր բժշկին։

      Ստացա՞ք ձեզ անհրաժեշտ օգնությունը։
      Չե՞ք գտնում այն, ինչ ձեզ հարկավոր է
      Ընտրեք դեր՝ անհատականացված օգնություն գտնելու համար։