Առաջարկները կցուցադրվեն որոնման հարցումը մուտքագրելուց հետո։ Առաջարկներին ծանոթանալու համար օգտագործեք վեր և վար սլաքները։ Ընտրելու համար սեղմեք Enter։ Եթե ընտրել եք բառակապակցություն, ապա որոնման կներկայացվի այդ բառակապակցությունը։ Եթե առաջարկը հղում է, դիտարկիչում կբացվի այդ էջը։
Ինչպես

Airbnb-ի 5 փուլանի մանրազնին մաքրման գործընթացը

Հինգ փուլանի մաքրման գործընթացը մաքրման վերաբերյալ կանոնների հավաքածու է, որոնց բոլոր հյուրընկալողները պարտավոր են հետևել հյուրերի այցերի միջև՝ ի հավելումն տեղական օրենքների և ուղեցույցների։

Մաքրման գործընթացը լավագույնս իրականացնելու մանրամասներին կարող եք ծանոթանալ Airbnb-ի մաքրման ձեռնարկում, որը ներառում է մաքրման ամբողջական ստուգացանկեր։

Բացի այդ, կարող եք ձեռնարկը, ինչպես նաև խորհուրդներ, տեսանյութեր և այլ ռեսուրսներ գտնել համացանցային դիտարկիչում ձեր հյուրընկալման հաշվից՝ այցելելով Գաղափարներ > Մաքրում։

Քայլ 1. Պատրաստվեք

Պատշաճ նախապատրաստվելը կօգնի ձեզ և ձեր թիմին մաքրել ավելի արդյունավետորեն և անվտանգ։ Անպայմանորեն՝

  • հնարավորության դեպքում մաքրելուց առաջ և այդ ընթացքում օդափոխեք տարածքը
  • COVID-19-ի դեմ պայքարելու համար օգտվեք տեղական վերահսկող մարմինների կողմից հաստատված ախտահանիչներից
  • միշտ ուշադիր կարդացեք մաքրող միջոցների վրա նշված ցուցումներն ու զգուշացումները
  • լվացեք կամ ախտահանեք ձեռքերը

Քայլ 2. Մաքրեք

Մաքրումը փոշու և կեղտի հեռացումն է մակերևույթներից, ինչպիսիք են հատակը և սեղաներեսները։ Անպայմանորեն՝

  • մանրէազերծումից առաջ ավլեք, փոշեկուլով մաքրեք և (կամ) սրբեք փոշին
  • հնարավորինս բարձր ջերմաստիճանում լվացեք սպասքը և սպիտակեղենը
  • օճառով և ջրով սրբեք բոլոր պինդ մակերևույթները

Քայլ 3. Մանրէազերծեք

Մանրէազերծումը նշանակում է քիմիական նյութերի օգտագործում դռան բռնակների և հեռուստատեսային կառավարման վահանակի մակերևույթների վրա եղած բակտերիաների նվազեցման նպատակով։ Անպայման՝

  • հաստատված ախտահանիչ հեղուկով ցողեք բոլոր մակերևույթները, որոնց հաճախ են դիպչում
  • թույլ տվեք, որ անցնի ախտահանիչ ապրանքի պիտակի վրա նշված ժամանակը
  • թույլ տվեք, որ մակերևույթը չորանա օդի ներգործությամբ

Քայլ 4. Ստուգեք

Մանրէազերծումն ավարտելուց հետո համոզվեք, որ ոչինչ բաց չեք թողել։ Անպայման՝

  • օգտվելով ձեռնարկի սենյակ առ սենյակ ստուգացանկերից՝ համոզվեք, որ որևէ տեղ բաց չեք թողել
  • այս լավագույն գործելակերպերով կիսվեք ձեր հյուրընկալման թիմի և մաքրման մասնագետների հետ

Քայլ 5. Նախապատրաստեք

Խաչաձև աղտոտումը կանխելու համար կարևոր է ավարտել սենյակի մաքրությունն ու մանրէազերծումը՝ նախքան հաջորդ հյուրի համար այն նախապատրաստելը․

  • լվացեք ձեռքերը նախքան հյուրերի համար նախատեսված պարագաները, անկողնային սպիտակեղենը և մաքրման միջոցների լրակազմերը փոխելը
  • թափեք կամ լվացեք մաքրող պարագաները և պաշտպանիչ հանդերձանքը
  • մանրէազերծելուց հետո այլևս մի մտեք սենյակ
  • յուրաքանչյուր այցից առաջ մաքրեք ձեր սարքավորումները

Պարտադիր է բոլոր հյուրընկալողների համար

Այն հյուրընկալողներին, որոնք չեն ընդունում COVID-19-ին առնչվող անվտանգության կանոնները՝ ներառյալ 5 փուլանի մանրազնին մաքրման գործընթացը, չի թույլատրվի հյուրընկալել։

Այս կանոնները նաև պահանջում են դիմակի կրում և սոցիալական հեռավորության պահպանում՝ համաձայն տեղական օրենքների կամ ուղեցույցների։

Մաքրման ստանդարտները բազմիցս կամ կոպտորեն խախտած հյուրընկալողները կարող են նախազգուշացում ստանալ, նրանց հաշիվները կարող են կասեցվել, իսկ որոշ դեպքերում՝ հեռացվել Airbnb-ից։

Այս հոդվածն օգնե՞ց

Առնչվող հոդվածներ

Օգնություն ստացեք ձեր ամրագրումների, հաշվի վերաբերյալ և այլ հարցերով։
Մուտք կամ գրանցում