Առաջարկները կցուցադրվեն որոնման հարցումը մուտքագրելուց հետո։ Առաջարկներին ծանոթանալու համար օգտագործեք վեր և վար սլաքները։ Ընտրելու համար սեղմեք Enter։ Եթե ընտրել եք բառակապակցություն, ապա որոնման կներկայացվի այդ բառակապակցությունը։ Եթե առաջարկը հղում է, դիտարկիչում կբացվի այդ էջը։
Ինչպես
Հյուր

Ի՞նչ պետք է իմանամ նախքան Zoom-ի միջոցով առցանց փորձառության մասնակցելը

Zoom-ը տեսակոնֆերանսների համար նախատեսված ամպային հարթակ է։ Այն կարող է օգտագործվել սեղանադիր համակարգիչներում, պլանշետներում և շարժական սարքերում։

Համակարգի պահանջները և ինտերնետ կապը

Հյուրընկալումը սկսելուց առաջ համոզվեք, որ ձեր սարքերը համապատասխանում են Zoom համակարգի պահանջներին, և ստուգեք ինտերնետ կապը՝ միանալով փորձնական հանդիպման։

Համակարգչի դեպքում համակարգի պահանջների մասին ավելին իմանալու համար կարդացեք Zoom-ի Օգնության կենտրոնի System Requirements for PC, Mac, and Linux հոդվածը։ Շարժական սարքի դեպքում համակարգի պահանջների մասին ավելին իմանալու համար կարդացեք System Requirements for iOS, iPadOS, and Android հոդվածը։ Ինտերնետ կապը ստուգելու համար միացեք փորձնական հանդիպման։

Գաղտնիության պահպանումը Zoom օգտագործելիս

Անձնական տվյալների գաղտնիությունը կարևոր է մեզ համար։ Մենք քայլեր ենք ձեռնարկել առցանց փորձառությունների ժամանակ ձեր գաղտնիությունը պաշտպանելու համար, ինչպես նաև ունենք խորհուրդներ՝ Zoom-ից օգտվելիս ձեր անձնական տվյալների գաղտնիությունը պաշտպանելու համար։ Եթե հետևյալ կարգավորումներից ոչ մեկը չկիրառվի ձեր փորձառության համար, ամրագրումից առաջ կծանուցենք ձեզ։

Ինչպես է Airbnb-ն օգնում պաշտպանել ձեր գաղտնիությունը Zoom-ից օգտվելիս.

  • Յուրաքանչյուր փորձառության համար ստեղծվում է պատահական, գաղտնաբառով պաշտպանված հանդիպման ID
  • Փորձառությունները Zoom-ի միջոցով տեսագրել կամ ձայնագրել հնարավոր չէ
  • Zoom-ի հանդիպման սենյակ մուտք գործելիս հյուրի տեսապատկերն անջատված է
  • Հյուրերը չեն կարող փորձառության ընթացքում կիսվել իրենց էկրաններով
  • Հյուրերը չեն կարող Zoom-ի միջոցով անհատական զրույց վարել այլ հյուրերի հետ
  • Zoom-ի միջոցով ֆայլերի փոխանցումն արգելված է
  • Ըստ կանխադրման՝ միացված է «Սպասասրահ» գործառույթը, որը հյուրընկալողներին տալիս է Zoom-ի հանդիպումների սենյակում հյուրերին անհատապես ընդունելու հնարավորություն

Ձեր գաղտնիությունը պաշտպանելու խորհուրդներ.

  • Ոչ մեկին մի տրամադրեք Zoom հանդիպման՝ գաղտնաբառով պաշտպանված հղումը
  • Օգտագործեք Zoom հավելվածի ամենաթարմ տարբերակը
  • Ուշադիր եղեք շրջապատի և ձեր թիկունքում եղածի նկատմամբ, երբ տեսախցիկն ուղղված է դեպի ձեզ. հյուրընկալողը և մյուս հյուրերը կկարողանան տեսնել այդ ամենը
  • Անջատեք ձայնը և միացրեք այն ժամանակ, երբ պատրաստ կլինեք խոսելու
  • Ուշադիր եղեք խմբային զրույցի գործառույթն օգտագործելիս, քանի որ բոլոր մասնակիցները կկարողանան կարդալ ձեր գրածը
  • Եթե չեք ուզում ձեր լրիվ անունը հայտնել հյուրերին և փորձառության կազմակերպչին, Zoom մուտք գործելիս կարող եք մուտքագրել այլ օգտանուն կամ օգտագործել միայն ձեր անունը
  • Խնդրում ենք առանց թույլտվության սքրինշոթ չանել և չլուսանկարել հյուրընկալողին կամ այլ հյուրերի

Ծածկագրված ենթագրեր

Մենք բացել ենք ծածկագրված ենթագրերի գործառույթը Zoom-ում, որպեսզի հաշմանդամություն և մատչելիության այլ խնդիրներ ունեցող անձանց հնարավորություն տանք ավելի հեշտությամբ միանալու առցանց փորձառություններին։ Ծածկագրված ենթագրերի ծառայությունները կարող են տրամադրել հյուրընկալողը, համահյուրընկալողը, Zoom-ը կամ երրորդ կողմ հանդիսացող ծառայության մատակարարները, որոնք միգուցե ոչ բոլոր լեզուներով առաջարկվեն։

Ուղիղ հեռարձակում

Որոշ դեպքերում հնարավոր է, որ առցանց փորձառություններն ուղիղ հեռարձակենք տարբեր հարթակների միջոցով, օրինակ՝ Ֆեյսբուքով, YouTube-ով կամ Kaltura-ով։ YouTube-ում և Ֆեյսբուքում Zoom-ի հանդիպումների ուղիղ հեռարձակման մասին ավելին կարող եք իմանալ Zoom-ի Օգնության կենտրոնում։ Եթե Airbnb փորձառությունը ուղիղ հեռարձակվելու է երրորդ կողմի որևէ հարթակում, մենք ձեզ կծանուցենք նախքան ձեր ամրագրելը։

Որտեղ հանդիպել հյուրընկալողին

Փորձառությանը միանալու հղումը կստանաք ամրագրումը հաստատող էլեկտրոնային նամակում և առցանց փորձառությունն սկսելուց առաջ ուղարկվող հիշեցման էլեկտրոնային նամակում։ Կարող եք այն գտնել նաև Ուղևորություններ էջի ամրագրման տեղեկություններում։

Zoom մտեք առնվազն 5 րոպե շուտ՝ փորձառությունից չուշանալու և համոզվելու համար, որ ամեն ինչ նորմալ ու սարքին է։ Կարևոր է նկատի ունենալ, որ հյուրընկալողն ունի ուշացած հյուրերին մերժելու տարբերակ, և որ ուշացած հյուրերը գումարի վերադարձ պահանջելու իրավունք չունեն։ Մանրամասները՝ Փորձառությունների հյուրի փոխհատուցման քաղաքականություն հոդվածում։

Zoom-ի հետ կապված խնդիրներ

Համոզվեք, որ ունեք առցանց փորձառության ճիշտ հղումը։ Եթե հղումը չաշխատի, փակեք Zoom-ը և կրկին փորձեք։ Եթե դա չօգնի, հաղորդագրություն ուղարկեք հյուրընկալողին՝ ճշտելու, թե արդյոք նա Zoom-ի հետ կապված խնդիր ունի։

Եթե Zoom-ը գաղտնաբառ պահանջի, գրեք հյուրընկալողին Airbnb-ի միջոցով՝ գաղտնաբառն իմանալու համար։

Վերջապես, եթե հյուրընկալողը որևէ խնդիր չունի, այցելեք Zoom-ի Օգնության կենտրոն։

Գաղտնիության կամ անվտանգության հետ կապված խնդիրներ փորձառության ընթացքում

Եթե փորձառության ընթացքում հանդիպեք որևէ անպատշաճ բովանդակության կամ գաղտնիության կամ անվտանգության հետ կապված խնդիր ունենաք, կապվեք Airbnb-ի համայնքի աջակցման թիմի հետ և հաղորդեք այդ մասին։ Հնարավորինս շատ տեղեկություններ տրամադրեք, և Airbnb-ն կուսումնասիրի խնդիրը։

Այս հոդվածն օգնե՞ց

Առնչվող հոդվածներ

Օգնություն ստացեք ձեր ամրագրումների, հաշվի վերաբերյալ և այլ հարցերով։
Մուտք կամ գրանցում