Անցնել բովանդակությանը
    Անցեք առաջ՝ առաջարկվող արդյունքներին ծանոթանալու համար

    Հարգելի պատճառների կիրառման քաղաքականություն և կորոնավիրուս (COVID-19)

    Թարմացվել է 2020 թ․ մարտի 19-ին

    Մարտի 11-ին Առողջապահության համաշխարհային կազմակերպությունը (ԱՀԿ) որպես COVID-19 հայտնի կորոնավիրուսի բռնկումը հայտարարեց համաշխարհային պանդեմիա։ Այդ պահից ի վեր՝ բռնկման ծածկույթը մեծացել է, և ամբողջ աշխարհի կառավարությունները ձեռնարկում են արագ գործողություններ՝ COVID-19-ի տարածումը դանդաղեցնելու համար։

    Ի պատասխան դրան՝ Հարգելի պատճառների կիրառման քաղաքականության շրջանակներում տրամադրում ենք COVID-19-ի համար հետևյալ ծածկույթը՝ մեր համայնքի պաշտպանությունն ու հանգստությունն ապահովելու համար։ Ծածկույթի վերաբերյալ նորությունների համար խնդրում ենք հետևել այս էջին։

    Ամփոփագիր

    2020 թ. մարտի 14-ին կամ ավելի շուտ ամրագրված այցերի և Airbnb փորձառությունների այն ամրագրումները, որոնց ժամանման ամսաթիվը նախատեսված է 2020 թ․ մարտի 14-ից 2020 թ. ապրիլի 14-ն ընկած ժամանակահատվածում, կարող են չեղարկվել մինչև ժամանման պահը։ Չեղարկման դեպքում հյուրերին կվերադարձվի ամբողջ գումարը, իսկ հյուրընկալողները կարող են առանց գանձումների չեղարկել ամրագրումները՝ չվտանգելով սուպերտանտիրոջ իրենց կարգավիճակը։ Airbnb-ն ընդգրկված բոլոր չեղարկումների համար կվերադարձնի ծառայության վճարները։

    Հյուրընկալողի չեղարկման կանոնները սովորականի պես կկիրառվեն 2020 թ․ մարտի 14-ից հետո արված ամրագրումների և 2020 թ․ մարտի 14-ին կամ դրանից շուտ արված այն ամրագրումների դեպքում, որոնց համար ժամանումը նախատեսված է 2020 թ․ ապրիլի 14-ից հետո։ Մինչև 2020 թ. մարտի 14-ը ներկայացված չեղարկումները կմշակվեն ըստ Հարգելի պատճառների կիրառման քաղաքականության այն ծածկույթի, որն ուժի մեջ է եղել չեղարկման հայտը ներկայացնելու պահին (ոչ թե՝ այստեղ տրված ծածկույթի)։

    Եթե ամրագրումն արդեն սկսվել է (ժամանման օրն անցել է), ապա հարգելի պատճառների մասին դրույթը չի կիրառվում։

    Մայրցամաքային Չինաստանի ներսում արված ամրագրումներն ընդգրկված են Մայրցամաքային Չինաստանում COVID-19 վիրուսի դեպքում հարգելի պատճառների մասին հայտարարությունում։ Luxe կամ Luxury Retreats ամրագրումներն ընդգրկված են Luxe հյուրերի փոխհատուցման քաղաքականությանշրջանակներում։

    Ներառված ամրագրումներ

    2020 թ. մարտի 14-ին կամ դրանից շուտ արված ամրագրումներ

    Մարտի 14-ին կամ ավելի շուտ ամրագրված այցերի և Airbnb-ի փորձառությունների այն ամրագրումները, որոնց ժամանման ամսաթիվը նախատեսված է 2020 թ․ մարտի 14-ից 2020 թ. ապրիլի 14-ն ընկած ժամանակահատվածում, կարող են չեղարկվել մինչև ժամանման պահը։ Դա նշանակում է, որ չեղարկող հյուրերին կվերադարձվի ամբողջ գումարը, հյուրընկալողները կարող են չեղարկել առանց տույժերի և չվտանգելով սուպերտանտիրոջ կարգավիճակը, իսկ Airbnb-ն կվերադարձնի ծառայության բոլոր վճարները։

    2020 թ. մարտի 14-ին կամ դրանից շուտ արված և 2020 թ․ ապրիլի 14-ից հետո նախատեսված ժամանումով այցերն ու Airbnb-ի փորձառություններն այժմ ընդգրկված չեն Հարգելի պատճառների կիրառման քաղաքականության շրջանակներում։ Հյուրընկալողների համար չեղարկման կանոնները կկիրառվեն սովորականի պես։

    Եթե ամրագրումն արդեն սկսվել է (ժամանման օրն անցել է), ապա հարգելի պատճառների մասին դրույթը չի կիրառվում։

    2020 թ․ մարտի 14-ից հետո արված ամրագրումներ

    2020 թ. մարտի 14-ից հետո այցերի և Airbnb փորձառությունների համար արված ամրագրումները չեն ընդգրկվի Հարգելի պատճառների կիրառման քաղաքականության շրջանակներում՝ բացառությամբ այն դեպքերի, երբ հյուրը կամ հյուրընկալողն այժմ հիվանդ է COVID-19-ով։ COVID-19-ի հետ կապված հանգամանքների մեջ ներառված չեն տրանսպորտային խափանումները և չեղարկումները, ճանապարհորդությունների վերաբերյալ նախազգուշացումները և սահմանափակումները, առողջապահական նախազգուշացումները և կարանտինները, գործող օրենսդրության փոփոխությունները և կառավարության այլ հրամաններ, օրինակ՝ տարհանման կարգադրությունները, սահմանների փակումը, կարճաժամկետ վարձակալության արգելքները և ապաստարանների տրամադրման պահանջները։ Հյուրընկալողների չեղարկման կանոնները կկիրառվեն սովորականի պես։

    Հարգելի պատճառների կիրառման քաղաքականությունը նպատակ ունի պաշտպանելու հյուրերին և հյուրընկալողներին անկանխատեսելի հանգամանքներից, որոնք առաջանում են ամրագրումից հետո։ Առողջապահության համաշխարհային կազմակերպության կողմից COVID-19-ը համավարակ հռչակվելուց հետո Հարգելի պատճառների կիրառման քաղաքականությունն այլևս չի կիրառվի, քանի որ COVID-19-ը և դրա հետևանքներն այլևս անկանխատեսելի կամ անսպասելի չեն։ Խնդրում ենք ամրագրում կատարելիս ուշադիր ուսումնասիրել հյուրընկալողների չեղարկման կանոնները և ընտրել առավել ճկուն տարբերակը։

    Ինչպես է գործում այս կանոնը

    Եթե ձեր ամրագրումն ընդգրկված է դրանում, ապա այն որպես այդպիսին կնշվի ամրագրման մանրամասների էջում (հյուրերը կարող են գտնել այն«Ուղևորություններ» բաժնում, իսկ հյուրընկալողները՝ հյուրընկալման կառավարման վահանակում):

    Հյուրերի համար՝ եթե չեղարկեք քաղաքականությունում ընդգրկված ամրագրումը, ապա հետ կստանաք ամբողջ գումարը, իսկ Airbnb-ն կվերադարձնի ծառայության բոլոր վճարները։ Նման դեպքում չկա մեզ դիմելու կարիք։ Ավելին այն մասին, թե ինչպես է գործում գումարի վերադարձը։

    Հյուրընկալողների համար՝ եթե չեղարկեք ընդգրկված ամրագրումը, ապա ձեզանից գումար չի գանձվի, և դա չի անդրադառնա սուպերտանտիրոջ ձեր կարգավիճակի վրա, իսկ Airbnb-ն կվերադարձնի ծառայության բոլոր վճարները: Նման դեպքում չկա մեզ դիմելու կարիք։

    Եթե ձեր ամրագրումն ընդգրկված չէ, ապա կկիրառվեն հյուրընկալողի սովորական չեղարկման կանոնները: Խրախուսում ենք դիմել հյուրընկալողին, որպեսզի քննարկեք արմագրումների չեղարկումը և գումարի վերադարձը:

    Կորոնավիրուսի մասին թարմ տեղեկություններ և ռեսուրսներ

    Ռեսուրս կենտրոնում հավաքել ենք հոդվածներ, որոնք մեր համայնքին կօգնեն այս ժամանակաշրջանում։ Այնտեղ կգտնեք ամենաթարմ տեղեկատվությունն այն մասին, թե ինչպես ենք արձագանքում COVID-19 վիրուսի պատճառով ստեղծված իրավիճակին՝ սկսած քաղաքականության փոփոխություններից մինչև հյուրընկալողների և հյուրերի համար պատրաստված ռեսուրսներ։ Դրանք ներառում են՝

    Կարող եք լրացուցիչ նյութեր կարդալ COVID-19 վիրուսին չառնչվող իրավիճակներում մեր Հարգելի պատճառների կիրառման քաղաքականության մասին։

    Համայնքի բոլոր անդամներին խնդրում ենք այլոց հետ հաղորդակցվելիս դրսևորել հարգանք, անկանխակալ վերաբերմունք և կատարել խտրականության դեմ քաղաքականության պահանջները։

    Մենք կշանունակենք ուսումնասիրել այս քաղաքականության կիրառումը։ Թարմ լուրեր և նոր տեղեկություններ ստանալու համար խնդրում ենք հետևել այս էջին։

    Ստացա՞ք ձեզ անհրաժեշտ օգնությունը։

    Մուտք գործեք՝ անհատական աջակցություն ստանալու համար

    Օգնություն ստացեք ձեր ամրագրումների, հաշվի վերաբերյալ և այլ հարցերով։
    Գրանցվել