Անցեք առաջ՝ առաջարկվող արդյունքներին ծանոթանալու համար

    Airbnb-ի Կարծիքների քաղաքականությունը

    Վստահության հարթակ ստեղծելու համար մենք մեր համայնքին խնդրում ենք օգնել, որպեսզի Airbnb-ում կարծիքները լինեն օգտակար, բովանդակալից և վնաս չպատճառեն համայնքին։ Ուստի ակնկալում ենք բոլոր կարծիքների համապատասխանությունը հետևյալ պահանջներին.

    1. Կարծիքները չպետք է խախտեն Airbnb-ի՝ բովանդակության նկատմամբ կիրառվող քաղաքականությունը

    Որոշ բովանդակություն երբեք չի թույլատրվում Airbnb-ում։ Ավելին իմանալու համար ուսումնասիրեք Airbnb-ի՝ բովանդակության նկատմամբ կիրառվող քաղաքականությունը։

    2. Կարծիքները պետք է լինեն անաչառ

    Կարծիքներն առավել օգտակար են, երբ տրամադրում են անաչառ և օբյեկտիվ տեղեկատվություն։ Հետևաբար, մենք անհատներին կամ տնտեսվարող սուբյեկտներին, որոնք տարածքի կամ փորձառության սեփականատերն են կամ ինչ-որ կերպ կապված են դրա հետ, թույլ չենք տալիս տեղադրել իրենց բիզնեսի վերաբերյալ կարծիքներ։ Նաև թույլ չենք տալիս իրենց անմիջական մրցակիցների մասին կարծիքներ տեղադրել այն անհատներին, որոնք, ինչպես հաստատված է ապացույցներով, առաջարկում են մրցակցող տարածքներ կամ փորձառություններ։

    Դուք իրավունք չունեք համոզելու, որպեսզի գրվեն դրական կարծիքներ, սպառնալու բացասական կարծիքով՝ ցանկալի արդյունքը նենգորեն ստանալու նպատակով, կամ, վարձատրություն խոստանալով, ազդելու ուրիշի կարծիքի վրա։

    Նաև չի թույլատրվում կեղծ ամրագրումներ ընդունել դրական կարծիքի դիմաց, երկրորդ հաշիվ օգտագործել ինքներդ ձեր մասին կարծիք թողնելու համար կամ պայմանավորվել բիզնես գործընկերների հետ՝ դրական կարծիքներ ստանալու համար։

    Բացի այդ, կարծիքները կարող են հարթակից հեռացվել այն այցերի համար, որոնց ընթացքում տեղի է ունեցել Երեկույթների և միջոցառումների քաղաքականության էական խախտում։ Նպատակը հյուրընկալողներին օգնելն է, որպեսզի նրանք ավելի անկաշկանդորեն միջամտեն, երբ հասարակական կարգը խանգարող երեկույթներ են կազմակերպվում՝ չվախենալով իր միջամտության պատճառով կանխակալ կարծիք ստանալուց։

    3. Կարծիքները պետք է համապատասխան լինեն

    Կարծիքները պետք է համապատասխանեն Airbnb-ի պահանջներին և ձեր այցի կամ փորձառության պայմաններին, քանի որ հյուրերը կարդում են կարծիքները, որպեսզի տեղեկանան հյուրընկալողի և նրա տարածքի մասին։ Թեմային չառնչվող կարծիքները կարող են շեղել ուշադրությունը և չեն նպաստում, որպեսզի հյուրերը կայացնեն տեղեկացված որոշումներ ամրագրման վերաբերյալ։ Այս պատճառով, կարծիքները պետք է կենտրոնանան համայնքի այլ անդամների հետ ձեր փոխհարաբերությունների և այցի կամ փորձառության ընթացքում անցկացրած ժամանակի վրա։

    Կարծիքների համապատասխանությունը պահելու համար խորհուրդ ենք տալիս խուսափել հետևյալից՝

    • մեկնաբանություն անձի սոցիալական, քաղաքական կամ կրոնական հայացքների մասին
    • հայհոյանքներ, անվանարկում և ենթադրություններ անձի բնավորության կամ անհատականության վերաբերյալ
    • բովանդակություն, որը վերաբերում է տվյալ անձի վերահսկողությունից ամբողջովին դուրս գտնվող հանգամանքներին
    • բովանդակություն Airbnb-ի հետ կապ չունեցող ծառայությունների մասին (օրինակ՝ ավիաընկերության, պատահական ուղեկիցներով ուղևորափոխադրման, ռեստորանի և այլն)
    • մեկնաբանություն Airbnb-ի միջոցով կատարված նախկին ամրագրումների, հյուրընկալողների, հյուրերի կամ Airbnb պրոդուկտի վերաբերյալ, եթե դա չի վերաբերում գնահատվող տարածքին, հյուրընկալողին կամ հյուրին

    Եթե ստանանք այս քաղաքականությունը խախտող կարծիքի մասին հաղորդում, կարող ենք կարծիքը հեռացնել մեր հարթակից։ Կրկնվող խախտումները կարող են հանգեցնել կարծիքների համար պատասխանատու հաշվի (հաշիվների) ժամանակավոր կամ մշտական կասեցմանը։

    Ինչպես հաղորդել մեր քաղաքականությունը խախտող կարծիքի մասին

    Airbnb-ի Կարծիքների քաղաքականությունը խախտող կարծիքի մասին հաղորդելու համար դիմեք մեզ։

    Եթե կարծում եք, որ կարծիքը չի համապատասխանում իրականությանը

    Թեև մենք խրախուսում և ակնկալում ենք, որ համայնքի բոլոր անդամները տեղադրեն օբյեկտիվ և ճշգրիտ տեղեկություններ պարունակող կարծիքներ, Airbnb-ն միջնորդի դեր չի ստանձնում կարծիքի ճշմարտացիության վերաբերյալ վեճերում։ Ակնկալում ենք, որ կարծիքի հեղինակը պատասխանատու կլինի իր կարծիքի բովանդակության համար։ Եթե ուզում եք պատասխանել որևէ կարծիքի, իմացեք դա անելու կարգը։

    Լրացուցիչ տեղեկություններ ստանալու համար, թե ինչպես ենք քննում և որպես միջնորդ կարգավորում կարծիքների վերաբերյալ վեճերը, կարդացեք Airbnb-ի միջնորդությունը կարծիքների վերաբերյալ վեճերում։

    Ստացա՞ք ձեզ անհրաժեշտ օգնությունը։