Առաջարկները կցուցադրվեն որոնման հարցումը մուտքագրելուց հետո։ Առաջարկներին ծանոթանալու համար օգտագործեք վեր և վար սլաքները։ Ընտրելու համար սեղմեք Enter։ Եթե ընտրել եք բառակապակցություն, ապա որոնման կներկայացվի այդ բառակապակցությունը։ Եթե առաջարկը հղում է, դիտարկիչում կբացվի այդ էջը։
Ինչպես
Հյուր

Եթե որևէ խնդիր կամ հարց է առաջացել ձեր այցի ընթացքում

Փաստագրված ներկայացրեք խնդիրը և գրեք հյուրընկալողին

Հիշեք, որ որևէ խնդիր հայտնաբերելուց հետո դուք 72 ժամ ունեք հյուրընկալողին կամ Airbnb-ին այդ մասին հայտնելու համար։

Ահա թե ինչպես նախապատրաստվել.

  • Խնդիրը ներկայացրեք փաստերով։ Հնարավորության դեպքում լուսանկարեք կամ տեսագրեք, որպեսզի փաստագրեք խնդիրները, օրինակ՝ բացակայող կամ չգործող հարմարությունները։
  • Գրեք հյուրընկալողին։ Հյուրընկալողը հենց այն անձն է, որին պետք է առաջին հերթին դիմել, եթե ինչ-որ խնդիր առաջանա այցի ընթացքում։ Ամենայն հավանականությամբ, նա կկարողանա լուծել խնդիրը։ Կարող եք հյուրընկալողին գրել անմիջապես ձեր փոստից և հայտնել խնդրի մասին։
  • Պահանջեք գումարի վերադարձ։ Եթե խնդրի պատճառով ստիպված լինեք պահանջել գումարի վերադարձ, շատ ավելի հավանական է, որ հյուրընկալողն ընդունի ձեր հայտը, եթե նախ համաձայնեք գումարի հարցում։ Գումարի վերադարձի հայտ ուղարկեք հյուրընկալողին Խնդիրների լուծման կենտրոնում և լուսանկարների կամ տեսանյութի հետ միասին տրամադրեք խնդրի մանրամասները։

Օգնություն ստացեք Airbnb-ից

Թեև մենք միշտ ուզում ենք, որ հյուրընկալողներն ու հյուրերն անմիջականորեն լուծեն խնդիրները, գիտենք, որ դա ոչ միշտ է հնարավոր։ Եթե հյուրընկալողը չի կարողանում լուծել խնդիրը, ընդհանրապես չի պատասխանում կամ մերժում է գումարի վերադարձի հայտը, պարզապես տեղեկացրեք մեզ, ամրագրման էջում սեղմեք կամ հպեք «Ստանալ օգնություն»։ Մեր թիմից որևէ մեկը կօգնի լուծել խնդիրը։

Եթե պարզենք, որ դա Հյուրերի AirCover-ի շրջանակներում լուծվող խնդիր է, ձեզ կօգնենք գտնել նմանատիպ տարածք (համեմատելի գնով և առկայությունից կախված)։ Եթե նմանատիպ տարածք չկա, կամ նախընտրում եք չվերաամրագրել, մենք ձեզ կվերադարձնենք ամբողջ գումարը կամ դրա մի մասը։

Նշում. արտակարգ իրավիճակում կամ ձեր անձնական անվտանգությանը սպառնացող վտանգի դեպքում անմիջապես դիմեք տեղական ոստիկանության կամ շտապ օգնության ծառայություններ։ Եթե չգիտեք արտակարգ իրավիճակների տեղական ծառայությունների հեռախոսահամարները, կարող եք դրանք գտնել Airbnb հավելվածի «Անվտանգության կենտրոն» բաժնում։ Համայնքում համակեցության վերաբերյալ մտահոգություններ ունենալու դեպքում դիմեք մեր «Աջակցություն հարևաններին» ծառայության թիմին։ Անվտանգությանն առնչվող ցանկացած հարցի դեպքում միշտ կարող եք կապվել մեզ հետ՝ օգտվելով Անվտանգության շուրջօրյա գծից։ Դիմեք մեզ հեռախոսով, էլեկտրոնային փոստով կամ զրույցի միջոցով։

Այս հոդվածն օգնե՞ց

Առնչվող հոդվածներ

Օգնություն ստացեք ձեր ամրագրումների, հաշվի վերաբերյալ և այլ հարցերով։
Մուտք կամ գրանցում