Հյուրընկալեք ընտանիքներ երեխաների հետ

Ընտանիքները լինում են ամենատարբեր տեսակի ու մեծության, և հյուրերը որոնում են այնպիսի տարածքներ, որոնք կարող են տեղավորել բոլորին, այդ թվում՝ ամենափոքրիկներին։ Շատ ողջունելի կլինի, եթե առաջարկեք հատուկ հարմարություններ կամ անվտանգության սարքավորումներ, որոնք ընտանիքներն օգտակար են համարում․ դա ձեր տարածքն ավելի գրավիչ կդարձնի լայն շրջանակների համար։ Ահա որոշ առաջարկություններ.

• Գործող ծխորոշիչ և շմոլ գազի (CO) հայտնաբերիչ յուրաքանչյուր հարկում և քնելու բոլոր տարածքներում
• Ամրակցված սավանով դյուրակիր օրորոց՝ պատուհաններից և շերտավարագույրներից հեռու տեղադրված
• Անվտանգության հանովի դարպասներ աստիճանների համար և, եթե ունեք լողավազան, արգելափակոց դրա շուրջ
• Պատուհանի անլար շերտավարագույրներ
• Բոլոր կենցաղային մաքրող միջոցների, հեղուկ լվացանյութերի պատիճների, դեղերի և քիմիական նյութերի ապահով պահատեղեր
• Գազօջախները, կաթսաները, թեյնիկները և վտանգ ներկայացնող այլ իրեր պետք է ունենան երեխաների անվտանգության կողպեքներ կամ դրվեն նրանց համար անհասանելի տեղում
• Հարթ էկրանով հեռուստացույցները տեղակայեք պատերին, իսկ ավելի ծանր հեռուստացույցների համար օգտագործեք ցածր, կայուն կահույք
• Անկայուն և ծանր վերնամասով կահույքի ամրակայման համար օգտագործեք բարձակներ, ամրակներ կամ պատերի խարիսխներ, որպեսզի դրանք չտապալվեն
• Ջրատաքացուցիչների ջերմաստիճանը պետք է լինի 120°F-ից (48,9°C) ոչ ավելի՝ այրվածքից խուսափելու համար

Airbnb համայնքը հանձն է առել կառուցել մի աշխարհ, որտեղ ընտանիքները, իրենց կենսագրությունից և ճանապարհորդության հեռավորությունից անկախ, արժանանալու են հյուրընկալ ու հարգալից վերաբերմունքի։ Լրացուցիչ տեղեկությունների համար ուսումնասիրեք մեր Խտրականության դեմ քաղաքականությունը։

Դուք կարող եք ծանոթանալ նաև անվտանգության վերաբերյալ այս խորհուրդներին, որոնք օգտակար են բոլոր այցերի, այլ ոչ միայն երեխաների և (կամ) մանուկների հետ այցերի դեպքում։ 

Տրամադրեք անվտանգության վերաբերյալ տեղեկություններ, որոնք առնչվում են ընտանիքներին